Ver o código fonte de "Arnold Machin"

{{Biografía}}
'''Arnold Machin''', nado en [[Stoke-on-Trent]] o [[30 de setembro]] de [[1911]] e finado en Stafford Borough, no condado de [[Staffordshire]], o [[9 de marzo]] de [[1999]], foi un [[Escultura|escultor]] e [[Gravado|gravador]] e [[Deseño|deseñador]] de [[Selo postal|selos]] e [[moeda]]s [[Inglaterra|inglés]]. 

== Traxectoria ==

=== Primeiros anos e formación ===
Arnold Machin naceu en Stoke-on-Trent, Staffordshire, en 1911, no seo dunha familia de [[Olaría|oleiros]]. O seu pai era un creador independente e construíu para Arnold as súas primeiras [[ferramenta]]s de modelaxe.<ref name=":5">"[http://www.thepotteries.org/did_you/011.htm Arnold Machin - the sculptor of the "Queen's Head" was born in Stoke-on-Trent]". ''Thepotteries.org''</ref> Comezou a traballar á idade de 14 anos como aprendiz de [[Pintura|pintor]] de porcelana de estilo [[República Popular da China|chinés]] na [[Empresa|compañía]] ''Minton Pottery'',<ref name=":0">[https://www.independent.co.uk/arts-entertainment/obituary-arnold-machin-1080769.html Batkin, M. (1999)].</ref> onde permaneceu durante sete anos.<ref name=":1">Veasey, M. "[https://chronicle250.com/1947 1947 A Staffordshire ''Spring'']". En ''The Royal Academy Summer Exhibition: A Chronicle, 1769-2018''.</ref><ref>Machin, A. (2010). Páxinas 30, 41.</ref><ref name=":3" />

Durante a [[Gran Depresión]] aprendeu a esculpir no ''Stoke-on-Trent College of Art'', que estaba fronte á fábrica Minton.<ref name=":5" /> Na [[década de 1930]] mudouse a [[Derby]], onde traballou en ''Royal Crown Derby'' ao tempo que se seguía formando na ''Derby School of Art''.<ref name=":3" /> Nesa cidade coñeceu a que despois sería a súa esposa.<ref name=":0" />

Tres anos máis tarde acadou unha [[bolsa de estudos]] que o levou a [[Londres]], para continuar a súa formación no ''Royal College of Art'',<ref name=":3" /> onde se centrou principalmente na escultura, da man do profesor Ricard Garbe.<ref name=":0" /> Alí concluíu os seus estudos en [[1940]] cun traballo de [[Grao académico|graduación]] en [[terracota]] titulado ''Mother and Child'' ("A nai e o neno").<ref name=":1" /> 

=== Carreira artística ===
[[Ficheiro:Taurus the Bull, Arnold Machin, Wedgwood, 1950.JPG|miniatura|''Taurus the Bull'' ([[1945]]), obra de [[louza]] Machin, producida en asociación con Wedgwood.<ref>"[https://www.artsbma.org/collection/taurus-the-bull/ Taurus the Bull]". ''Birmingham Museum of Art (Artsbma.org)''.</ref>|260x260px]]Durante a [[segunda guerra mundial]], Machin foi [[Centro penitenciario|encarcerado]] durante 12 meses por se declarar obxector de conciencia, e en [[1943]] retomou a súa actividade [[Arte|artística]] e comezou unha longa asociación coa compañía ''Wedgwood'',<ref name=":5" /> onde produciu moitos dos seus deseños, entre eles ''Taurus the Bull'' ([[1945]]), un exemplar do cal lle presentou o [[Político, política|político]] [[Reino Unido|británico]] Hugh Gaitskell a [[Nikita Khrushchev]] durante unha visita a [[Moscova]] en [[1956]].<ref name=":3" />

Varias das obras de terracota de Machin foron escollidas pola ''[[Royal Academy of Arts|Royal Academy]]'' para a súa exposición de verán de [[1947]], entre elas ''Mary Magdalene'' ("María Magdalena"), ''Angela'' e, sinaladamente, ''Spring'' ("Primavera"),<ref name=":3" /> un dos seus traballos máis sobranceiros, que foi adquirido no marco dun programa da propia Academia, para a ''[[Tate|Tate Gallery]]'',<ref name=":0" /> logo de estar exposto nun lugar preferente.<ref>Machin, A. (2010). Páxinas 8-10, 13-14.</ref> Como consecuencia desta exitosa experiencia, o [[24 de abril]] de 1947, Machin foi elixido membro asociado,<ref name=":1" /> e o [[21 de febreiro]] de [[1956]] membro de pleno dereito da ''Royal Academy.<ref name=":3" />''<ref name=":2">"[https://www.royalacademy.org.uk/art-artists/name/arnold-machin-ra Arnold Machin RA (1911 - 1999)]". ''Royal Academy (Royalacademy.org.uk)''.</ref>

Desde entón, Machin mantivo unha forte vinculación coa Academia, e entre [[1959]] e [[1966]] exerceu como [[Docente|profesor]] na súa Escola de Escultura,<ref name=":5" /><ref name=":2" /> ao tempo que mantiña outras relacións de tipo profesional con compañías como ''Wedgwood'' e ''Royal Worcester''. Porén, a súa relación coa Academia rachouse a raíz da venda por parte desta dun [[debuxo]] de [[Leonardo da Vinci]] en [[1962]], que foi moi cuestionada por Machin.<ref name=":1" /><ref>Machin, A. (2010). Páxina 126.</ref>

Ademais da Academia, Machin foi tamén profesor na Escola de Arte de Stoke-on Trent na [[década de 1940]], onde el mesmo estudara, e posteriormente no ''Royal College of Art'', entre [[1951]] e [[1958]].<ref name=":0" /> 

Outras das súas obras salientables son as de temática [[Biblia|bíblica]] ''St. John the Baptist'' ("San Xoán Bautista") e ''The Annunciation'' ("A Anunciación"), ambas adquiridas pola galería Tate en [[1994]],<ref name=":0" /><ref name=":1" /><ref>Rothenstein, J. (1947). “The Tate, 1897-1947”. En ''[[The Times]]''. 21 de xullo. Páxina 5.</ref> ou ''Fallen Angel'' ("Anxo caído", [[Circa|ca.]] [[1956]]), que forma parte da colección da ''Royal Academy''.<ref>"[https://www.royalacademy.org.uk/art-artists/work-of-art/fallen-angel Fallen Angel, ca. 1956]". ''Royal Academy (Royalacademy.org.uk)''.</ref>  

En 1956 foi elixido académico e membro da Real Sociedade de Escultores Británicos.<ref name=":5" />  

Entre os seus recoñecementos pola súa traxectoria artística destaca o nomeamento como Oficial da [[Orde do Imperio Británico]], nas Honras de [[Aninovo]] de [[1965]].<ref name=":0" /><ref name=":1" /><ref name=":3" /><ref>''The London Gazette''. Suplemento 43.529. 29 de decembro de 1964. [https://www.thegazette.co.uk/London/issue/43529/supplement/13 Páxina 13].</ref> 

== Deseño de selos e moedas ==

=== Moedas ===
<center><gallery widths="140" heights="140">
Ficheiro:1984 five pound obverse.jpg|[[Quíntuplo soberano]] británico ([[1984]])<small>.</small><ref>"[https://en.numista.com/catalogue/pieces327111.html 5 Sovereigns - Elizabeth II 2nd portrait]". ''Numista.com''</ref>
Ficheiro:Coin (AM 1967.188.1.1-3).jpg|[[Nova Zelandia]]. [[Dólar neozelandés|Dólar]] ([[1967]]).<ref>"[https://en.numista.com/catalogue/pieces12404.html 1 Dollar - Elizabeth II 2nd portrait]". ''Numista.com''</ref>
Ficheiro:Baha1972conecentobv.jpg|[[Bahamas]]. 1 cent ([[1970]]).<ref>"[https://en.numista.com/catalogue/pieces8112.html 1 Cent - Elizabeth II]". ''Numista.com''</ref>
</gallery></center>

En [[1964]] Machin foi elixido para realizar o deseño dunha nova imaxe da raíña [[Isabel II do Reino Unido|Isabel II]] para os [[anverso]]s da primeira serie da [[libra esterlina]] como moeda decimal, que estaba previsto introducir a partir de [[1968]]. O busto creado por Machin utilizouse para todas as moedas británicas cuñadas desde [[1964]] ata [[1984]].<ref name=":5" /><ref name=":0" /><ref name=":1" /><ref name=":3">"[https://www.royalmintmuseum.org.uk/journal/people/arnold-machin Arnold Machin]". ''The [[Royal Mint]] Museum (Royalmintmuseum.org.ok)''.</ref> Do mesmo xeito, o deseño de Machin utilizouse nun gran número de emisións, tanto circulantes como conmemorativas, de diversos [[Imperio Británico|territorios de soberanía británica]] ou que forman parte da [[Commonwealth de Nacións|''Commonwealth'' de nacións]]:<ref>"[https://en.numista.com/catalogue/index.php?r=%22Arnold+Machin%22&ct=coin&p=1 Arnold Machin]". ''Numista.com''</ref>

<div style="-moz-column-count: 3; column-count: 3;">
* [[Illa de Ascensión|Ascensión]] (1978-1984)
* [[Australia]] (1966-1984)
* [[Bahamas]] (1966-1973)
* [[Barbados]] (1978)
* [[Belize]] (1978)
* [[Bermudas]] (1970-1985)
* [[Illas Caimán|Caimán]] (1972-1986)
* [[Canadá]] (1965-1989)
* Caribe Oriental (1981-2001)
* [[Illas Cook|Cook]] (1972-1985)
* [[Dominica]] (1978-1979)
* [[Fidxi]] (1969-1986)
* [[Gambia]] (1966-1970)
* [[Guernsey]] (1966-1981)
* [[Hong Kong]] (1975-1987)
* [[Illa de Jersey|Jersey]] (1971-1997)
* [[Illas Malvinas|Malvinas]] (1974-1999)
* [[Illa de Man|Man]] (1970-1984)
* [[Mauricio]] (1975-1982)
* [[Nova Zelandia]] (1967-1985)
* [[Papúa Nova Guinea]] (1977)
* [[Rodesia do Sur]] (1964-1968)
* [[Saint Kitts e Nevis]] (1983)
* [[Santa Helena]] (1973-1984)
* [[Seychelles]] (1972-1975)
* [[Illas Salomón]] (1977-1985)
* [[Tokelau]] (1978-1988)
* [[Tristan da Cunha]] (1977-1981)
* [[Turks e Caicos]] (1975-1992)
* [[Tuvalu]] (1976-1985)
* [[Illas Virxes Británicas]] (1973-1984)
* [[Xamaica]] (1981)
* [[Xibraltar]] (1971-1993)
</div>Ademais deste icónico [[retrato]], tamén son obras de Machin o [[Reverso (moedas)|reverso]] da [[Coroa británica (moeda)|coroa]] de [[1972]] conmemorativa das vodas de prata de Isabel II e o [[Filipe de Edimburgo|Príncipe Filipe]],<ref>"[https://en.numista.com/catalogue/pieces26158.html 25 New Pence - Elizabeth II Silver Wedding]". ''Numista.com''</ref> así como ambas as faces da coroa de [[1977]] conmemorativa dos 25 anos de reinado.<ref name=":3" /><ref>"[https://en.numista.com/catalogue/pieces13825.html 25 New Pence (Crown) - Elizabeth II Silver Jubilee]". ''Numista.com''</ref>

=== Selos ===
[[Ficheiro:Elizabeth II Machin head sculpture (straightened & cropped).jpg|miniatura|195x195px|Placa de [[xeso (construción)|xeso]] co [[gravado]] orixinal de Machin da nova efixie para os [[Selo postal|selos]] de Isabel II.<ref name=":6">"[https://catalogue.postalmuseum.org/collections/getrecord/GB813_P_150_06_03_01_356 QEII The Machin Design: Harrisons' Photograph of Machin's Final Cast]". ''The Postal Museum (Postalmuseum.org)''.</ref>]]
[[Ficheiro:UK-10s-1969.jpg|miniatura|184x184px|Selo británico de 10 [[Xilin británico|xilins]] de [[1969]].]]
En 1965 pedíuselles a cinco [[artista]]s que presentasen deseños para un novo modelo da serie básica de selos británicos, e o seleccionado foi Arnold Machin, quen xa resultaba moi coñecido polo seu deseño previo do anverso das moedas. Inicialmente, Machin tomou o seu retrato creado para a moeda e deulle a volta para que a raíña ollase cara á esquerda, e logo gravou en [[xeso]] esta proposta.<ref name=":4">"[https://www.postalmuseum.org/collections/machin-design/ The Machin Design]". ''The Postal Museum (Postalmuseum.org)''.</ref>

Mais o Comité Asesor de Selos solicitou que se tomasen novas [[fotografía]]s da raíña para o deseño dos selos e, logo do consentimento desta, o [[22 de xuño]] de 1966 o fotógrafo John Hedgecoe visitou o palacio con tal propósito, e as fotografías que el tomou —nas que a raíña loce un [[diadema]], e non a tiara das moedas— servíronlle finalmente a Machin para que en outubro de 1966 fixese un modelo en xeso sobre ese novo deseño.<ref name=":4" />

Este novo deseño foille enviado á raíña para recadar a súa opinión e,<ref>"[https://catalogue.postalmuseum.org/collections/getrecord/GB813_P_154_35_0076 Introduction of Machin Head designs. Submission to HM The Queen]". ''The Postal Museum (Postalmuseum.org)''.</ref> logo da aprobación real, a nova efixie serviu para a produción da nova serie básica de selos británicos, que se deu en coñecer como "serie Machin".<ref name=":1" /> O primeiro selo impreso desta serie foi o de catro peniques, o [[5 de xuño]] de 1967, en cor [[marrón]] oliva [[Sepia (cor)|sepia]], por desexo expreso da raíña —para lembrar o ''[[Penny Black]]''—,<ref name=":5" /> e logo expandiuse a todos os selos británicos, en diferentes [[cor]]es. Considérase que este deseño é un dos retratos artísticos máis reproducidos da historia,<ref name=":0" /> con máis de 200 mil millóns de copias producidas.<ref name=":4" />

En varias ocasións, a propia raíña achegouse con suxestións para a substitución do retrato do selo levada a cabo por Machin. Aínda que considerou alternativas, nunca aprobou ningún deseño novo, e estipulou que calquera substitución tería que ser "un traballo de verdadeira calidade".<ref>Muir, D. N. (2007). </ref>

O [[5 de xuño]] de [[2007]], os selos deseñados por Machin aínda estaban en uso no seu 40 aniversario e, para conmemorar a ocasión, o ''Royal Mail'' emitiu un selo conmemorativo cunha fotografía de Machin. Tamén estaba dispoñible para a venda nunha folla miniatura, así como dous selos dunha libra co deseño de Machin en diferentes cores.<ref name=":5" />

En [[2017]], ''Royal Mail'' celebrou o 50.º aniversario cunha gran cantidade de produtos, entre eles follas en miniatura, paquetes de presentación, sobres de primeiro día, un folleto de selos cos valores máis pequenos, un folleto de selos de prestixio, unha cuberta para [[medalla]]s e novos selos xenéricos.<ref>Tomlinson, G. "[https://www.postalmuseum.org/blog/50th-anniversary-icon/ 50th Anniversary of an Icon]". ''The Postal Museum (Postalmuseum.org)''.</ref><ref>"[https://www.bbc.com/news/uk-england-stoke-staffordshire-40159310 Anniversary of 'Queen's head' design marked with new stamps]". En ''[[British Broadcasting Corporation|BBC News]] (BBC.com)''. 5 de xuño de 2017.</ref>

== Vida familiar ==
Machin [[Matrimonio|casou]] en [[1949]] coa [[Autor|autora]] e [[Pintura|pintora]] Patricia Newton. O matrimonio adquiriu unha [[casa]] en The Villas, Stoke-upon-Trent, onde ambos traballaban, aínda que Arnold viaxaba semanalmente a Londres, onde tamén tiña un pequeno [[estudio]]. Os Machin tiveron un fillo, Francis (1949-[[2007]]), que tamén foi artista.<ref name=":5" />

En 1956, a parella recibiu a atención da [[Periódico|prensa]] británica cando Machin pediu á súa muller que o encadease a un antigo farol metálico que estaba fronte á súa casa, nunha zona residencial [[Época vitoriana|vitoriana]] en Stoke-upon-Trent, que estaba previsto retirar, en sinal de protesta.<ref name=":0" /> Malia esta acción reivindicativa, o farol foi substituído por outro de [[formigón]]; con todo, o metálico foille regalado á familia, que o instalou no seu [[xardín]], e Patricia encargouse de abrilo para que a veciñanza a puidese visitar.<ref name=":5" /> Finalmente o farol foi restituído á súa situación orixinal.[9]

A partir da súa [[xubilación]], Machin viviu na súa residencia Garmelow Manor, en Eccleshall, Stafford Borough, Staffordshire, ata a súa morte o 9 de marzo de 1999, aos 87 anos.<ref>"[https://www.greatbritishlife.co.uk/things-to-do/whats-on/22632694.derbyshires-artistic-heritage---arnold-machin-queens-head/ Derbyshire’s Artistic Heritage - Arnold Machin and the Queen’s Head]". ''Great British Live (Greatbritishlive.co.uk)''.14 de marzo de 2014.</ref><ref>Thomas, R. (1999). "[https://www.nytimes.com/1999/03/14/world/arnold-machin-87-creator-of-ubiquitous-royal-portrait.html Arnold Machin, 87, Creator Of Ubiquitous Royal Portrait]". En ''[[The New York Times]]''. 14 de marzo de 1999.</ref>

Logo do pasamento de Francis, algunhas das posesións do seu pai que quedaran na casa familiar foron vendidas nunha poxa,<ref>"[https://web.archive.org/web/20120218122745/http://www.cuttlestones.co.uk/news/220808_cuttlestones.htm Arnold Machin, Artist of an Icon – Press Release 22/08/2008]". ''Cuttlestones. Auctioners & Valuers''.</ref> entre elas a cuarta das placas finais de xeso coñecidas gravadas por Machin para crear a serie de selos de Isabel II;<ref>Alleyne, R. (2008). "[https://www.telegraph.co.uk/news/uknews/theroyalfamily/2674511/Arnold-Machin-plaster-cast-used-for-image-of-Queen-on-stamps-is-found.html Arnold Machin plaster cast used for image of Queen on stamps is found]". En ''The Telegraph''. 3 de setembro.</ref> os outros tres consérvanse nos arquivos de ''Royal Mail''.<ref name=":5" /><ref name=":6" />

Na súa honra, o [[Planetoide|planeta menor]] [[(3109) Machin]] , descuberto en [[1974]], leva o seu nome.<ref>"[http://www.minorplanetcenter.net/db_search/show_object?object_id=3109 (3109) Machin]". ''Minor Planet Center (Minorplanetcenter,net)''.</ref><ref>Schmadel, L. D. (2003). "[https://link.springer.com/referenceworkentry/10.1007/978-3-540-29925-7_3110 (3109) Machin]". En ''Dictionary of Minor Planet Names''. Springer, Berlín. Páxina 256.</ref>

== Notas ==
{{Listaref|30em}}

== Véxase tamén ==
{{Commonscat}}

=== Bibliografía ===
*Baker. (2008). “[https://www.oxforddnb.com/display/10.1093/ref:odnb/9780198614128.001.0001/odnb-9780198614128-e-72096 Machin, Arnold: (1911-1999)]”. En ''Oxford Dictionary of National Biography'', [[Oxford University Press]].
*Batkin, M. (1999). "[https://www.independent.co.uk/arts-entertainment/obituary-arnold-machin-1080769.html Obituary: Arnold Machin]". En ''The Independent''. 15 de marzo.
*Machin, A. (2010). ''Machin: Artist of an Icon. The Memoirs of Arnold Machin RA''. Frontier Pub., Norfolk. ISBN 978-1872914251
*Muir, D. N. (2007). ''A Timeless Classic: the Evolution of Machin's Icon''. British Postal Museum, Londres. ISBN 978-0955356919

<center>
{{sucesión|título=[[Ficheiro:1984 five pound obverse.jpg|60px]]<br />'''Moedas da libra esterlina'''<br />Autores dos anversos|período=[[1965]]-[[1984]]|predecesor=[[Mary Gillick]]|sucesor=[[Raphael Maklouf]]}}
</center>

{{ORDENAR:Machin, Arnold}}

[[Categoría:Nados en 1911]]
[[Categoría:Nados en Stoke-on-Trent]]
[[Categoría:Finados en 1999]]
[[Categoría:Deseñadores de moeda]]
[[Categoría:Personalidades do gravado]]
[[Categoría:Personalidades da filatelia]]
[[Categoría:Escultores do Reino Unido]]
[[Categoría:Membros da Royal Academy]]
[[Categoría:Orde do Imperio Británico]]
[[Categoría:Personalidades sen imaxes]]