Verdegaia

Verdegaia é unha asociación ecoloxista galega, fundada en 2006.

Verdegaia
Tipo	Asociación ecoloxista
Data de fundación	2 de abril de 2006
País	España
Na rede
https://www.verdegaia.org/wp/
[ editar datos en Wikidata ]

Traxectoria

Verdegaia fundouse logo dunha escisión en ADEGA, a asociación ecoloxista na que en 2005 militaban a maior parte dos membros fundadores de Verdegaia. Ten como obxectivos contribuír á defensa da natureza e propiciar un desenvolvemento sustentábel caracterizado polo ecoloxismo, a xustiza social e a paz. Os medios para acadar estes obxectivos son a investigación, a sensibilización social, o deseño e realización de proxectos, a presión a gobernos e a empresas e a mobilización. A asociación publica desde o 2006 a revista dixital Cos pés na Terra.

En 2018 creou as Brigadas Deseucaliptizadoras, un programa de voluntariado para restituír as especies autóctonas de alto valor ecosistémico onde están ameazadas polo eucalipto e por outras especies invasoras pirófitas.

Orixe do nome

O nome da asociación é un xogo de palabras entre verdegaia, unha tonalidade de verde claro mestura entre o verde e o branco, cores respectivamente asociadas aos movementos ecoloxistas e pacifistas, e Gaia, nome da Nai Terra na mitoloxía grega.

Ideario

O ideario de Verdegaia é:

• Sostibilidade ecolóxica
• Xustiza social
• Paz
• Democracia participativa
• Autoorganización da cidadanía galega
• Independencia e apartidismo
• Defensa dos dereitos dos animais e dos demais seres vivos
• Superación do patriarcado

Núcleos comarcais

A asociación conta con núcleos nas seguintes comarcas:

• Santiago de Compostela
• A Coruña
• Ferrol
• Ourense
• Pontevedra
• Vigo

Véxase tamén

Ligazóns externas

• Web da asociación
• Cos pés na TerraArquivado 28 de novembro de 2018 en Wayback Machine. Revista dixital editada pola asociación.