Upanishads
Os Upanishads (sánscrito: उपनिषद्, Upaniṣad) son textos védicos e posvédicos escritos en sánscrito, parte fundamental da tradición metafísica e relixiosa do hinduísmo. Existe un grande abano cronolóxico na súa datación. Existen fragmentos que se remontan alén dos 1000 anos antes de Cristo. Pero as formas últimas deberon elaborarse uns 200 anos antes da nosa era.
Upanishads | |
---|---|
![]() | |
Xénero(s) | literatura religiosa |
[ editar datos en Wikidata ] |
O eixo fundamental é a fusión do Atman que se encontra en todos os seres co Brahman entendido como o Absoluto que escapa a toda categoría mental. Esta fusión é a realización do sentido da existencia, a finalidade da vida humana. Para iso débese realizar o distanciamento, acalar a apetencia polos seres, e non deixarse enganar pola ilusión da multiplicidade. A conciencia perceptiva apreixada nunha ignorancia metafísica é fonte de dor e turbación mental. Só a ascese do desapego e a cesación da actividade mental consegue a inmobilidade, a indivisión, a pacificación, ata a identificación con Brahman. Cando se chega a abandonar as modificacións pensantes obtense o estado supremo e se rahca co ciclo das reencarnacións.
O Atman que se encontra en todos os seres, e todos os seres se encontran nel; cando se lle ve, acádase a identidade co supremo Brahma, non existe ningún outro medio
Etimoloxía
editarO termo sánscrito Upaniṣad quería dicir, na súa orixe, "conexión" ou "equivalencia".[1] Porén, co tempo, desenvolveu o sentido de "sentar ao carón dun mestre",[1] de upa ("ao carón de", "xunto a") e ni-ṣad ("sentar").[2] En consecuencia, fai referencia aos discípulos que recibían o saber espiritual dun mestre.[3] Outros significados posibles son "doutrina esotérica" ou "doutrina secreta". Segundo o dicionario de Monier-Williams, "Upanishad expresa a idea de abandonar a ignorancia revelando o coñecemento do supremo espírito".[4]
Notas
editar- ↑ 1,0 1,1 Doniger, Gold e Smith (2023).
- ↑ "Upanishad - Etymology of Upanishad by etymonline". www.etymonline.com (en inglés). Consultado o 2024-05-17.
- ↑ Jones (2007), p. 472.
- ↑ Monier-Williams (1976), p. 201.
Véxase tamén
editarBibliografía
editar- Doniger, Gold e Smith (2023). "Hinduism - The Upanishads". Encyclopedia Britannica. Consultado o 17-05-2024.
- Jones, Constance (2007). Encyclopedia of Hinduism (en inglés). Infobase Publishing. ISBN 978-0816073368.
- Monier-Williams, Monier (1976). A Sanskrit-English Dictionary (en inglés). Motilal Banarsidass. ISBN 0-8426-0286-0.