Touros de Guisando
Coordenadas: 40°21′41.7″N 4°26′30.56″O / 40.361583, -4.4418222
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2019.) |
Os Touros de Guisando (Toros de Guisando en castelán) son un conxunto escultórico vetón que se sitúa na lomba de Guisando, no termo municipal de El Tiemblo (provincia de Ávila). Está datado entre os séculos IV a I a. C., con preferencia no século II a. C., durante a Idade de Ferro.
![](http://upload.wikimedia.org/wikipedia/commons/thumb/4/41/Toros_de_Guisando.jpg/300px-Toros_de_Guisando.jpg)
Características
editarSon catro esculturas realizadas en granito que representan cuadrúpedes, identificados como touros ou verracos (porcos sementais), con preferencia á suposición de que se trata de touros, xa que algunhas das pezas presentan, na cabeza, cavidades que puideron servir para a inserción de cornos. Tamén mostran uns suaves sucos paralelos no pescozo que pretenden representa-las pregaduras da pel desta zona.
As catro esculturas atópanse costado contra costado, formando unha liña en dirección norte-sur, e todas elas ollando cara ao oeste.
A importancia da gandería para a subsistencia do pobo vetón[1] fai supoñer que estas estatuas eran protectoras do gando, aínda que esta é soamente unha das moitas teorías expostas en torno á función destas esculturas. Outras teorías supoñen que tiveran fins relixiosos ou funerarios, ou mesmo simplemente fitos nos pasos do gando ou marcadores territoriais.
Notas
editar- ↑ Os vetóns, pobo fundamentalmente gandeiro, asentáronse nas actuais provincias Badaxoz, Cáceres, Salamanca e Ávila.
Véxase tamén
editarWikimedia Commons ten máis contidos multimedia na categoría: Touros de Guisando |