S.S. Felice Scandone
A Società Sportiva Felice Scandone Basket Avellino foi un club profesional de baloncesto italiano da cidade de Avellino, na rexión da Campania. En 2019 o equipo renunciou á súa praza na Lega Basket Serie A, a máxima competición do baloncesto italiano, por motivos económicos. Despois de competir na temporada 2020−21 da Serie B, terceira categoría do país, o equipo descende de categoría, decidindo non se inscribirse en ningunha competición para a seguinte temporada.[1] Fundado en 1948, obtiveron o seu primeiro título no ano 2008, cando gañaron a Coppa Italia tras vencer na final á Virtus Bologna por 73 a 67. Xogaba os seus encontros como local no Palasport Giacomo Del Mauro, un pavillón remodelado en 2008 con capacidade para 5 100 espectadores.
| Sidigas Avellino | |
| |
| Información xeral | |
|---|---|
| Nome | Società Sportiva Felice Scandone |
| Fundación | 1948 |
| Desaparición | 29 de xullo de 2021 |
| Cores | Branco, verde, laranxa |
| Presidente |  Gerardo Santoli (último)
|
| Patrocinador | Sidigas |
| Localización | |
| Cidade | Avellino, Italia
|
| Pavillón | PalaDelMauro |
| Capacidade | 5 195 |
| Inauguración | 1987 |
| Campionatos | |
| Copa | 1 (2008) |
| scandonebasket.it | |
Historia
editarO mellor resultado na historia do club é a terceira praza da Serie A italiana obtida na tempada 2007-08 e que lle permitiu participar na Euroliga na tempada 2008-09. O único título do club chegou no 2008, ao gañar a Copa de Italia. En 2019 debido a motivo económicos o Felice Scandone renuncia á súa praza na Serie A, sendo descendido en consecuencia á Serie B, terceira categoría italiana. Na temporada 2020−21, o equipo finaliza en 15º lugar, perdendo nas eliminatorias polo descenso a categoría. Após a finalización da temporada, o club decide non inscribirse en ningunha competición, facendo así oficial a desaparición da sociedade o 29 de xullo de 2021.[1]
Patrocinadores
editarAo longo da súa historia o Felice Sandone de Avellino levou diferentes nomes por mor de motivos de patrocinio:[2]
- Pasta Baronia Avellino (1996−1997)
- Cirio Avellino (1997−1998)
- Select Avellino (1998−1999)
- Nicoloro Avellino (1999)
- De Vizia Avellino (1999−2002)
- A.IR. Avellino (2003−2011)
- Sidigas Avellino (2011−2019)
Palmarés
editarTítulos nacionais
editar- Copa de Italia
- Campións (1): 2008
Notas
editar- ↑ 1,0 1,1 "SS Felice Scandone Avellino, arriva il fallimento" [SS Felice Scandone Avellino, chega a quebra]. Sportando (en italiano). 29 de xullo de 2021. Consultado o 3 de agosto de 2021.
- ↑ "Lega A Basket historia do S.S. Felice Scandone". Arquivado dende o orixinal o 29 de maio de 2011. Consultado o 07 de xuño de 2010.
Véxase tamén
editarLigazóns externas
editar- Sitio web oficial
- Perfil na web da Lega Arquivado 24 de maio de 2010 en Wayback Machine.