Lampridiformes
Lampriformes Rango fósil: Campaniano - Actualidade (70 - 0 Ma) [1] | |||||||||||||||
---|---|---|---|---|---|---|---|---|---|---|---|---|---|---|---|
![]() Lophotus lacepede | |||||||||||||||
Clasificación científica | |||||||||||||||
| |||||||||||||||
Familias | |||||||||||||||
| |||||||||||||||
Sinonimia | |||||||||||||||
|
A dos Lampriformes (Lampriformes) é unha orde de peixes da clase dos actinopterixios, subclase dos neopterixios e infraclase dos teleósteos.[2]
![](http://upload.wikimedia.org/wikipedia/commons/thumb/c/cc/King_of_herrings.png/260px-King_of_herrings.png)
Segundo algúns autores, é a única orde da discutida superorde dos Lampridiomorfos (Lampridiomorpha).[3]
Taxonomía
editarDescrición
editarA orde foi descrita en 1909 polo ictiólogo inglés Charles Tate Regan.
Etimoloxía
editarO nome científico Lampriformis está formado sobre a raíz Lapri- do seu xénero tipo, Lampris, co sufixo estándar para formar os nomes das ordes de peixes, -formes. O nome Lampris deriva do grego antigo λαμπρός lamprós "brillante", en referencia á coloración brillante destes peixes. O sufixo deriva do latín forms, "forma externa". [4][5]
Sinónimos
editar- Allotriognathi
- Bathysomi
- Lampridiformes
Este último é unha variante ortográfica, empregada a miúdp, pero que aparentemente é incorrecta.
Clasificación
editarA orde divídese nas segunites seis familias:[2]
- Lampridae Gill, 1862
- Lophotidae Bonaparte, 1845
- Radiicephalidae Osório, 1917
- Regalecidae Gill, 1884
- Stylephoridae Swainson, 1839
- Trachipteridae Swainson, 1839
Moitos autores inclúen tamén unha sétima, Veliferidae Bleeker, 1859.[1][6][7]
Ademais, coñécese unha familia extinta: Turkmenidae.[8]
Características
editarA forma destes peixes é variada pero, en xeral, son esmagados e longos. Carecen de escamas e de verdadeiras espiñas nas aletas. A aleta dorsal é moi longa e tende a ocupar todo o dorso. As aletas pelvianas presentan de 0 a 17 raios. As mandíbulas son altamente protusíbeis (o maxilar, en lugar de estar unido ligamentosamente ao etmoide e ao palatino, deslìzase cara a dentro e cara a fóra co premaxilar altamente protráctil). A vexiga natatoria, cando está presente, é fisoclistosa.[1]
Notas
editar- ↑ 1,0 1,1 1,2 Lampriformes en FishBase.
- ↑ 2,0 2,1 Lampriformes no WoRMS.
- ↑ Lampridiomorpha no ITIS.
- ↑ Woodhouse, S. C. (1910): English-Greek Dictionary - A Vocabulary of the Attic Language. George Routledge & Sons Ltd., Broadway House, Ludgate Hill, E.C.
- ↑ Nelson et al. 2016, pp. 226-230.
- ↑ Lampriformes en BioLib.
- ↑ Lampriformes na EOL.
- ↑ Lampridiformes no Mikko's Phylogeny Archive. Helsinki.fi.
Véxase tamén
editarCommons ten máis contidos multimedia sobre: Lampridiformes |
Wikispecies posúe unha páxina sobre: Lampridiformes |
Bibliografía
editar- Nelson, J. S. et al. (2016): Fishes of the world. Fifth edition. Nova York, NY, USA: John Wiley & Sons, Inc. ISBN 978-1-1183-4233-6.
Outros artigos
editarLigazóns externas
editar- Lampriformes en BioLib.
- Lampriformes na EOL.