John Needham
John Turberville Needham, nado o 10 de setembro de 1713 e finado o 30 de decembro de 1781, foi un biólogo inglés defensor da xeración espontánea.
  | |
| Nome orixinal | John Turberville Needham |
|---|---|
| Biografía | |
| Nacemento | 10 de setembro de 1713 Londres, Reino Unido |
| Morte | 30 de decembro de 1781 (68 anos) Bruxelas, Bélxica |
| Relixión | Igrexa católica |
| Actividade | |
| Campo de traballo | Bioloxía, natural science (en)  e catolicismo |
| Ocupación | educador, filósofo, fisiólogo, naturalista, sacerdote católico |
| Membro de | Royal Society (1747–) |
| Premios | |
| Descrito pola fonte | Dictionary of National Biography, 1885–1900 (en) Biblioteca dixital BEIC Dicionario Enciclopédico Brockhaus e Efron |
En 1745 John Needham realizou un experimento: ferveu caldo de carne para destruír os organismos preexistentes e colocouno nun recipiente que non estaba o debidamente selado, xa que segundo a súa teoría, necesitábase aire para que se produciran microorganimos. Ao cabo dun tempo observou colonias de microorganismos sobre a superficie e concluíu que se xeraban espontaneamente a partir da materia non viva.
En 1769, Lazzaro Spallanzani repetiu o experimento pero tapando os recipientes de maneira hermética, comprobando que deste xeito non aparecían colonias de microorganismos, o que contradicía a teoría da xeración espontánea.
Pero Needham argumentou que o aire era esencial para a vida, incluída a xeración espontánea de microorganismos, e que este aire fora excluído nos experimentos de Spallanzani; en concreto, chegou a afirmar que Spallanzani destruía o que el chamaba a "forza vexetativa". Porén, Spallanzani volveu abrir os recipientes onde supostamente destruíra esa forza vexetativa e observou que entón si aparecían os microorganismos.
Needham en 1748 publicou Observacións acerca da xeración, composición e descomposición das substancias animais e vexetais, traballo co que pretendía demostrar a teoría da xeración espontánea da vida a partir da materia inorgánica.
En 1768 foi elixido membro da Royal Society of London.