Hixino
Caio Xulio Hixino, nado o -64 e finado no ano 17, foi un escritor latino, nativo, segundo Suetonio, de Hispania ou de Alexandría. Foi liberto de Augusto e estivo á fronte da Biblioteca Palatina de Roma, en cuxas aulas exerceu o ensino da filosofía.
| Nome orixinal | (la) Caius Iulius Hyginus  |
|---|---|
| Biografía | |
| Nacemento | (la) Caius Iulius Iginus c. 64 a. C. Hispania |
| Morte | 17 (79/80 anos) Roma, Italia |
| Actividade | |
| Ocupación | escritor, astrónomo, poeta, mitógrafo, gramático |
| Período de tempo | Alto Imperio Romano |
| Descrito pola fonte | Real'nyj slovar' klassicheskih drevnostej po Ljubkeru Dicionario Enciclopédico Brockhaus e Efron Encyclopædia Britannica |
 | |
Traxectoria
editarGrazas ao seu talento acadou certo recoñecemento e puido relacionarse con gran número de personaxes notables, malia a súa humilde condición de liberto. En canto á Antigüidade romana, chegou a ser escoitado como un oráculo, tal era a profundidade e extensión do coñecemento que desta época tiña. Este respecto e admiración pola súa saber durou con intermitencias até os séculos XVI e XVII en que os estudosos entraron en sisudas e longas controversias ao redor de obras que naquel entón se consideraban de Hixino.
Ocupouse de todas as materias que abranguen o saber da súa época: historia, ciencia, filosofía e literatura, relixión, astronomía e astroloxía. Como obras históricas cómpre salientar un libro sobre a vida de homes ilustres, outro sobre cidades de Italia e un terceiro sobre as familias troianas. Como obra científica sobresae unha de agricultura na que estuda entre outras cousas, as abellas, os cuadrúpedes, as aves e os insectos volátiles.
Polo seu traballo relativo á listaxe das estrelas das constelacións en Astronomía poética, en 1935 decidiuse na súa honra chamarlle «Hyginus» a un astroblema lunar.
Fábulas e Astronomía poética
editarAdóitase atribuír a Caio Xulio Hixino un libro chamado Fábulas que contén 277 relatos curtos de mitoloxía e outro libro de catasterismos titulado Astronómica poética. Un testemuño arqueolóxico que apoia esta identificación é unha copa de prata da época de Augusto que contén a representación das fábulas 120 e 121. Algúns críticos, porén, atribúen estas dúas obras a un autor diferente que denominaron simplemente Hixino (Hyginus) que probablemente pertencería á época dos Antoninos (século II).
Véxase tamén
editarBibliografía
editar- Grant, Mary (transl.), The Myths of Hyginus (Lawrence: University of Kansas Press, 1960).
- Marshall, P.K. (ed.), Hyginus: Fabulae (Múnic: Saur, 1993 [corr. ed. 2002]).
- Rose, Herbert Jennings (ed.), Hygini Fabulae (Leiden: A.W. Sijthoff, 1934 [2nd ed. 1963]). The standard text, (en latín).
- Smith, R. Scott & Trzaskoma, Stephen M. (transl.), Apollodorus' Library and Hyginus' Fabulae: Two Handbooks of Greek Mythology (Indianápolis/Cambridge: Hackett Publishing, 2007), ISBN 978-0-87220-821-6.
- Este artigo incorpora texto procedente de Chisholm, Hugh, ed. (1911). "Hyginus, Gaius Julius". Encyclopædia Britannica (11ª ed.). Cambridge University Press (en inglés).