Goberno Vasco
O Goberno Vasco (en éuscaro: Eusko Jaurlaritza) é o goberno autonómico do País Vasco (España). Está composto polo lehendakari (xefe do Goberno Vasco) que é elixido polo Parlamento Vasco cada catro anos; e polos conselleiros (ou sailburuak) que el mesmo elixe. A súa sede atópase no distrito de Lakua, en Vitoria, sede das administracións comúns do País Vasco.
Composición actual
editarDende o ano 2012 o lehendakari é Iñigo Urkullu.
Na súa IX lexislatura, o Goberno Vasco estivo presidido por primeira vez por un lehendakari alleo ao nacionalismo vasco: Patxi López do PSE-EE, grazas a un pacto de investidura co PP. López obtivo ademais o apoio na súa investidura de UPyD e a abstención de EB-B. Nesa lexislatura non houbo representantes do sector social que antes representaba Batasuna, ao ser anuladas xudicialmente ditas listas. Sen devandita intervención xudicial, a contabilización do voto nulo tería imposibilitado a maioría descrita.
Nas tres lexislaturas anteriores á de Patxi López, coa presidencia de Juan José Ibarretxe, o executivo vasco estaba formado polos partidos nacionalistas vascos: Partido Nacionalista Vasco (EAJ-PNV) e Eusko Alkartasuna (EA). A primeira delas, ademais, co apoio externo de Euskal Herritarrok (EH), e as dúas seguintes coa participación no goberno de Ezker Batua-Berdeak (EB-B).
Lista de lehendakaris
editar- Artigo principal: Lehendakari.
- Goberno de Euskadi (Segunda República e exilio) (1936-1978):
- 1936-1960: José Antonio Aguirre y Lecube (EAJ/PNV) (no exilio desde 1937)
- 1960-1979: Jesús María de Leizaola Sánchez (EAJ/PNV) (volve do exilio en 1979)
- Consello Xeral Vasco (1978-1980):
- Goberno Vasco (desde 1980):
- 1980-1985: Carlos Garaikoetxea Urriza (EAJ-PNV)
- 1985-1999: José Antonio Ardanza (EAJ-PNV)
- 1999-2009: Juan José Ibarretxe (EAJ-PNV)
- 2009-2012: Patxi López (PSE-EE)
- 2014-Actualidade : Iñigo Urkullu (EAJ-PNV)
Véxase tamén
editarLigazóns externas
editar| Wikimedia Commons ten máis contidos multimedia na categoría: Goberno Vasco |