Estat Català
Estat Català (EC) é un partido independentista catalán fundado por Francesc Macià o 18 de xullo de 1922. Coa chegada da ditadura de Primo de Rivera o partido pasou a ser ilegal e a súa sección paramilitar, La Bandera Negra, realizou accións armadas contra a ditadura e tentou sen éxito asasinar a Afonso XIII (1925). No ano 1926 EC organizou o Exèrcit Català para realizar unha tentativa de invasión armada de Cataluña desde a fronteira francesa (Els Fets de Prats de Molló) que fracasou pola intervención da xerdamería francesa pero que tivo ampla difusión na prensa internacional ó ser detidos e xulgados os responsables da acción en París. En 1931, xunto co Partit Republicà Català e o grupo L'Opinió fusionáronse en Esquerra Republicana de Catalunya. EC conservou unha ampla autonomía dentro de ERC e durante a guerra civil formou unidades de combate propias.
| Estat Català | |
|---|---|
 | |
| Tipo | partido político catalán |
| Ideoloxía | Independentismo catalán e Catalanismo |
| Data de fundación | 1922 |
| Presidente/a | Josep Andreu Domingo (pt)  (2023-)  |
| Sede | Barcelona |
| País | España |
| Na rede | |
| https://www.estatcatala.cat/ | |
| [ editar datos en Wikidata ] | |
Durante a segunda guerra mundial integrouse na Front Nacional de Catalunya ata que en 1947 decidiu marchar da organización. No franquismo EC reorganizouse no exilio francés e mantivo unha certa estrutura no interior de Cataluña. EC foi legalizado en 1977 e mantense actualmente en activo.