Deus Pai
Deus Pai é un título dado a Deus en moitas relixións monoteístas, especialmente nas abrahámicas. No xudaísmo Deus é chamado Pai por ser o creador, o dador da vida e da lei, e protector.[1] No cristianismo, Deus tamén é chamado "Pai" polas relacións paternofiliais reveladas por Xesús Cristo e polas razóns mencionadas anteriormente.[2]
Polo xeral, o nome Pai representa o papel de Deus como dador de vida, autoridade, protector poderoso e, a miúdo, percebido como omnipotente, omnisciente e omnipresente, cun poder infinito e cunha caridade máis aló do entendemento humano.[3] Por exemplo, logo de rematar o grande traballo da Summa Theologica, Tomé de Aquino concluía que non comezara a comprender aínda a Deus Pai.[4]
O xénero de Deus
editar
Na maioría das tradicións e escritos das grandes relixións monoteístas, atribúense características masculinas a Deus. Na Biblia fálase directamente de Deus como termo masculino "Pai", tanto no Antigo como no Novo Testamento.
A miúdo defínese a Deus como un ser puramente espiritual e, xa que logo, sen sexo. Por exemplo, o Catecismo da Igrexa Católica no seu punto 239 declara que "Convén lembrar, entón, que Deus transcende a distinción humana dos sexos. Non é home nin muller, é Deus" [5].
Tamén na Biblia pódense atopar imaxes femininas referentes a Deus. Aínda que nunca se chama a Deus "Nai", ás veces compáraselle cunha nai. Unha muller dando a luz (Is 42,14), unha nai que non esquece aos seus fillos (Is 49,15), que os conforta (Is 66,12-13), unha nai que protexe a Israel (Is 46,3-4) etc.
O concepto islámico de Deus distánciase das concepcións xudeas e cristiás, e o termo "pai" non é aplicado polos musulmáns a Deus.
Notas
editar- ↑ BLIDSTEIN, Gerald J. (2006). Honor thy father and mother: filial responsibility in Jewish law and ethics. ISBN 0-88125-862-8.
- ↑ WEINANDY, Thomas (2014). Jesus the Christ. OSV Press. ISBN 1-931709-68-8.
- ↑ KIMBROUGH, Lawrence (2006). Contemplating God the Father. B&H Publishing. ISBN 0-8054-4083-6.
- ↑ Petrisko, Thomas W. (2001). The Kingdom of Our Father. St. Andrew's Press. ISBN 1-891903-18-7.
- ↑ Convém, então, lembrar que Deus transcende a distinção humana dos sexos. Não é homem nem mulher: é Deus. (Catecismo da Igrexa Católica)