Catuxa López Pato

Catuxa López Pato, nada no Rosal o 22 de agosto de 1973, é unha funcionaria e tradutora galega.

Catuxa López Pato

Biografía
Nacemento	22 de agosto de 1973 (51 anos) O Rosal, España
Educación	Universidade de Colonia Universidade de Sevilla
Actividade
Ocupación	tradutora
Familia
Pais	Anselmo López Carreira   e Chus Pato
Irmáns	Sabela López Pato

Papeleta dos candidatos de En Marea ao Congreso por Pontevedra, nas Eleccións Xerais de 2016.

Traxectoria

Licenciada en Xermánicas e Románicas pola Universidade de Colonia (Alemaña) no 2000, máster de tradución xurídica pola Universidade de Sevilla no 2004. É funcionaria do corpo superior na Xunta de Galicia dende 2010. Foi candidata de En Marea ao Congreso por Pontevedra nas eleccións xerais de 2016.

Obra

Tradución

• A rosa de ninguén, de Paul Celan, 2005, Galaxia.
• Camposanto, de W. G. Sebald, 2007, Galaxia.
• Máquina Hamlet e outras pezas, de Heiner Müller, 2013, Galaxia.
• Perplex, de Marius von Mayenburg, 2015.
• Insulto ó Público, de Peter Handke, 2016, con Sabela López Pato.
• O facedor de teatro, de Thomas Bernhard, 2017, Galaxia.

• Poemas de José F. A. Oliver en Rosalía en Camiño 2022.

Premios

• Premio María Casares ó mellor texto adaptado ou traducido no 2015 por Perplex.