Comités Abertos de Estudantes
Os Comités Abertos de Estudantes foi unha organización estudantil nacionalista de esquerdas, formada por estudantes de ensino medio, bacharelato e formación profesional e, tal e como indican os seus estatutos, podía pertencer aos CAE calquera estudante. O 10 de maio de 2008 disolveuse para formar cos CAF unha nova organización estudantil, Comités. Fundáronse no ano 1990 como extensión ao ensino medio do proxecto dos CAF, coincidindo coas eleccións ao Consello Escolar Galego.
| Comités Abertos de Estudantes | |
|---|---|
| Data de fundación | 1990 |
| País | España |
| [ editar datos en Wikidata ] | |
Organización dos CAE
editarOs Comités Abertos de Estudantes organízanse en Comités de Centro, sendo estes os seus organismos de base. Hai tamén unha Asemblea Comarcal. O seu maior órgano de decisión é a Asemblea Nacional, onde se elixe os seus órganos directivos, o Consello Nacional e a propia Executiva Nacional.