Antal Nagy

Antal Nagy
Biografía
Nacemento	16 de maio de 1944 (80 anos); Budapest, Hungría
Datos persoais
País de nacionalidade	Hungría
Actividade
Ocupación	futbolista
Período de actividade	1963 - 1978
Nacionalidade deportiva	Hungría
Deporte	fútbol
Liga	Fußball-Bundesliga
Posición de xogo	Dianteiro
Traxectoria
Participou en
xullo de 1966	Mundial de Fútbol Inglaterra 1966

Antal Nagy, nado en Budapest o 16 de maio de 1944, é un exfutbolista húngaro. Xogaba como dianteiro e militou en clubs das principais ligas de Hungría, Bélxica, Países Baixos, Francia, España, Alemaña e Portugal. Foi internacional coa selección húngara, coa que participou no Mundial de Inglaterra de 1966.

Traxectoria

Comezou a súa carreira como futbolista no Hónved da súa cidade natal, co que foi campión da Copa de Hungría e dúas veces subcampión da liga húngara, e co que debutou na Recopa de Europa.

En 1968 trasladouse a Liexa, onde fichou polo Standard de Liège. A súa marcha de Hungría provocou a perda da súa nacionalidade, sendo considerado dende entón un apátrida.^[1] Na tempada 1968/69 foi o máximo goleador da Primeira división belga, da que se proclamou campión esa mesma campaña. A continuación pasou polos Países Baixos, onde xogou tres anos no Twente, antes de recalar no Olympique de Marseille, co que gañou a Copa de Francia de 1972.

En 1973 chegou a España, fichando polo Hércules de Arsenio Iglesias, co que xogou na Segunda división, logrando o ascenso a Primeira. Contribuíu con 10 goles, un deles anotado cun pé descalzo, despois de ter perdido unha bota.^[1] Pasou logo polas filas do Wuppertaler SV, da Bundesliga alemá, antes de regresar ao fútbol español para xogar en Segunda coa Unió Esportiva Sant Andreu. Nos seus últimos anos como futbolista xogou no Caen francés, no Royal Antwerp belga e no Leixões portugués, antes de pechar a súa carreira no mesmo equipo no que a comezara, o Budapest Honvéd.

Selección húngara

Foi tres veces internacional coa selección húngara, coa que debutou en 1964, nun encontro amigable ante Iugoslavia. Formou parte do equipo húngaro no Mundial de 1966 en Inglaterra, aínda que non chegou a xogar ningún minuto na competición.^[2]

Palmarés

Budapest Honvéd

Copa de Hungría (1): 1964.

Standard de Liège

Liga belga (1): 1968/69.

Olympique de Marsella

Copa de Francia (1): 1972.

Individual

Máximo goleador da liga belga (1): 1968/69.

Notas

↑ ^1,0 ^1,1 Cabot, Toni (20 de maio de 2015). "Antal Nagy, el apátrida del gol descalzo" (en castelán). Consultado o 7 de marzo de 2021.
↑ "Hungría no Mundial de 1966". FIFA (en inglés). Consultado o 7 de marzo de 2022.

Véxase tamén

Ligazóns externas

Datos do xogador en BDFutbol (en castelán).
Datos do xogador en footballdatabase.eu (en castelán).

[:0-1] 1,0 ^1,1 Cabot, Toni (20 de maio de 2015). "Antal Nagy, el apátrida del gol descalzo" (en castelán). Consultado o 7 de marzo de 2021.

[2] "Hungría no Mundial de 1966". FIFA (en inglés). Consultado o 7 de marzo de 2022.

[1]

[2]