A dilixencia
A dilixencia (en inglés: Stagecoach) é un filme estadounidense do xénero western de 1939, dirixido por John Ford e protagonizada por John Wayne no seu papel revelación. O guión, escrito por Dudley Nichols, é unha adaptación de "The Stage to Lordsburg", relato de 1937 de Ernest Haycox. O filme segue un grupo de descoñecidos nunha dilixencia a través do perigoso territorio apache. A dilixencia foi o primeiro dos moitos westerns que Ford rodou en Monument Valley, no suroeste estadounidense no límite entre Arizona e Utah.
A dilixencia | |
---|---|
![]() Póster do filme. | |
Ficha técnica | |
Título orixinal | Stagecoach |
Director | John Ford |
Produtor | Walter Wanger |
Guión | Dudley Nichols |
Baseado en | The Stage to Lordsburg, de Ernest Haycox (1937) |
Intérpretes | Claire Trevor John Wayne Thomas Mitchell John Carradine |
Música | Louis Gruenberg Richard Hageman W. Franke Harling John Leipold Leo Shuken |
Fotografía | Bert Glennon |
Montaxe | Otho Lovering Dorothy Spencer |
Estudio | Walter Wanger Productions |
Distribuidora | United Artists |
Estrea | 2 de febreiro de 1939 [1] |
Duración | 96minutos |
Orixe | ![]() |
Orzamento | 531 374 dólares[2] |
Recadación | 1 103 757 dólares[2] |
Na rede | |
![]() ![]() ![]() ![]() ![]() ![]() ![]() ![]() ![]() ![]() ![]() |
O filme foi recoñecido como unha obra importante que transcende o xénero do western. O filósofo Robert B. Pippin observou que a colección de personaxes e a súa viaxe "son arquetipos máis que simplemente individuos" e que o filme é unha "representación mítica das aspiracións estadounidense cara a unha forma de igualdade politicamente sifnificativa".[3] Con todo, A dilixencia tamén é controvertida, xa que, como en moitos westerns da época, a súa descrición dos Nativos Americanos como simples salvaxes foi criticada como proba clara de racismo.[4]
Argumento
editarNun lugar de Arizona, a "liga polos bos costumes e a decencia" decide expulsar da localidade a Dallas, unha prostituta, e o doutor Josiah Boon, médico borrachón. Ambos son obrigados a subir á dilixencia que ía saír con destino a Lordsburg, Novo México. No vehículo únense Lucy Mallory, muller dun capitán de cabalaría embarazada e que quere reunirse co seu home; Ellsworth Gatewood, un banqueiro que supostamente ten que pechar un negocio (mais que en realidade se apropiou dos cartos do seu bando); Hatfield, antigo soldado confederado que se dedicaba a ser un xogador de vantaxe e pistoleiro, antigo amigo da familia Mallory e que decidiu pórse ao servizo da señora Mallory; e Samuel Peacock, un comerciante de alcohol, que non tarda en ter o doutor Boone como un dos seus mellores amigos.
Chegan dúas noticias antes de que o telégrafo fose cortado polos indios. Unha é que Gerónimo e os seus apaches chiricauas estaban na rexión. A segunda é que o pistoleiro recluso Ringo Kid escapara e había unha forte recompensa pola súa captura. Para lograla, o shériff da cidade, Curly Wilcox, sobe á dilixencia como vixilante, a pesar de que é amigo de Ringo e da súa familia dende cativo. Cando aparece Ringo Kid, ignorando que o shériff vai na dilixencia coa intención de capturalo, para o vehículo para dirixirse cara a Lordsburg, onde viven os irmáns Plummers, responsables da morte de seu pai e seu irmán. A presenza do alguacil fai que ringo se rinda e entregue as armas.
A viaxe continúa, a dilixencia sen escolta vai pasando de posta en posta, mentres a tensión entre as personaxes vai medrando. Nace o amor entre Dallas e Ringo, ignorante da condición desta e o doutor Boone, cada vez máis borracho, bebe as mostras do representante de bebidas alcohólicas.
Elenco
editar- Claire Trevor - Dallas
- John Wayne - Henry "Ringo Kid",
- Thomas Mitchell - Doc Boone
- Andy Devine - Buck
- John Carradine - Hatfield
- George Bancroft - Marshal Curly Wilcox
- Louise Platt - Lucy Mallory
- Donald Meek - Samuel Peacock
- Berton Churchill - Henry Gatewood
- Tim Holt - Lieutenant Blanchard
Recoñecemento
editarA dilixencia foi recoñecido como un dos filmes máis influentes da historia. Orson Welles afirmou que era un exemplo perfecto de cinema e indicou que o vira máis de corenta veces preparando a rodaxe de Cidadán Kane.[6]
O filme gañou dous premios Oscar, ao mellor actor secundario (Thomas Mitchell) e á mellor banda sonora. Ademais tivo outras cinco candidaturas (filme, direcotr, dirección artística, fotografía e montaxe).[7] Ademais, John Ford gañou o premio ao mellor director do New York Film Critics Circle Awards.[8]
Forma parte do AFI's 10 Top 10 na categoría "Western".[9] En 1995 o filme foi considerado "cultural, histórica e esteticamente significativo" pola Biblioteca do Congreso dos Estados Unidos de América e seleccionado para a súa preservación no National Film Registry.[10]
Notas
editar- ↑ "Stagecoach: Detail View". American Film Institute. Consultado o 9-2-2017.
- ↑ 2,0 2,1 Matthew Bernstein, Walter Wagner: Hollywood Independent, Minnesota Press, 2000 p439
- ↑ Pippins, Robert (2010). Hollywood Westerns and American Myth. New Haven, CT: Yale University Press. pp. 3, 5. ISBN 9780300172065.
- ↑ Aleiss, Angela (2005). Making the White Man's Indian: Native Americans and Hollywood Movies. Westport, CT: Praeger. pp. 60. ISBN 9780275983963.
- ↑ La Voz de Galicia, 20 de outubro de 2007. Páx. 62
- ↑ Welles, Orson and Bogdanovich, Peter, This is Orson Welles, Da Capo Press, 1998, pp. 28-29. "After dinner every night for about a month, I'd run Stagecoach.... It was like going to school."
- ↑ "The 12th Academy Awards (1940) Nominees and Winners" (en inglés). Academy of Motion Picture Arts and Sciences. Arquivado dende o orixinal o 28 de xaneiro de 2017. Consultado o 23 de xaneiro de 2014.
- ↑ Clooney, Nick (novembro de 2002). The Movies That Changed Us: Reflections on the Screen. Nova York: Atria Books. p. 2003. ISBN 0-7434-1043-2.
- ↑ "AFI: 10 Top 10" (en inglés). Arquivado dende o orixinal o 08 de maio de 2017. Consultado o 2 de marzo de 2017.
- ↑ "U.S. National Film Registry Titles". U.S. National Film Registry (en inglés). Arquivado dende o orixinal o 12 de outubro de 2007. Consultado o 18 de xuño de 2009.
Véxase tamén
editarWikimedia Commons ten máis contidos multimedia na categoría: A dilixencia |
Ligazóns externas
editar- Guión do filme (en inglés).