Bus (ríomhaireacht)

Sliotáin PCI Express (ón mbarr anuas: x4, x16, x1 agus x16), i gcomparáid le sliotán PCI traidisiúnta (32-giotán - ag an mbun).

Is cainéal cumarsáide sonraí in ailtireacht ríomhaireachta, é bus. Aistrítear sonraí idir chomhpháirteanna ríomhaireachta thar an mbus. Bíonn dhá chineál bus in úsáid don chuid is mó i ríomhairí:

• Busanna Inmheánacha – Ceanglaíonn siad seo na comhpháirteanna ar fad atá suite ar an máthairchlár.
• Busanna Seachtracha – Ceanglaíonn siad seo forimeallaigh leis an máthairchlár

Samplaí de bhusanna inmheánacha

• An Bus Córais - leis an RAM a cheangal leis an bpróiseálaí
• An Bus PCI (Peripheral Component Interface) - le cártaí forlíontacha a cheangal le máthairchlár ríomhaire pearsanta
• AGP (Advanced Graphics Port) – do chártaí grafaicí
• PCIe (PCI Express) - ag teacht i gcomharbacht ar PCI agus AGP

Samplaí de bhusanna seachtracha

• An Bus ATA/IDE (Advanced Technology Attachment)
• SATA (Serial ATA) (atá tagtha i gcomharbacht ar an mBus ATA/IDE)
• USB (Universal Serial Bus) – le forimeallaigh a cheangal leis an ríomhaire
• Firewire – úsáidte go príomha le haghaidh físe agus fuaime digiteach d’ardchaighdeán
• PCMCIA – i gcomhair ríomhairí glúine
• ExpressCard – ag teacht i gcomharbacht ar PCMCIA