Angelina Jolie

Angelina Jolie
akteur
Angelina Jolie (2014)
persoanlike bysûnderheden
echte namme	Angelina Jolie Voight
nasjonaliteit	Amerikaansk
berne	4 juny 1975
berteplak	Los Angeles
jierren aktyf	1982-No

Angelina Jolie (berne Angelina Jolie Voight) (Los Angeles,, 4 juny 1975) is in Amerikaansk aktrise en Goodwill Ambassadeur foar de UN Refugee Agency. Sy hat trije Golden Globe Awards, twa Screen Actors Guild Awards, en in Academy Award wûn. Jolie set har yn foar humanitêre saken oeral yn de wrâld, en is bekend om har wurk foar flechtlingen by de UNHCR. Sy wurdt ien fan de kreaste froulju yn de wrâld neamd en har priveelibben kin op in protte omtinken rekkenje.

Jolie is de dochter fan de akteur Jon Voight en Marcheline Bertrand. Nei de skieding fan har âlden hat hja har heit lange tiid net sjoen, letter binne se wol wer goed wurden. Har earste filmoptreden yn 1982 wie neist har heit.

Jolie is skieden fan de akteurs Jonny Lee Miller en Billy Bob Thornton. Hjoeddeisk wennet hja mei akteur Brad Pitt, in ferhâlding dy't wrâldwiid omtinken fan de media kriget. Jolie en Pitt hawwe trije adoptearre bern, Maddox, Pax, and Zahara, en ek trije bern fan harren sels, Shiloh, Knox, en Vivienne. Septimber 2016 waard bekend dat Jolie in skieding oanfrege hat.

Karriêre

Hoewol't hja foar har rol in de film Girl, Interrupted yn maart 2000 al de Oscar foar bêste froulike byrol wûn, krige har bekendheid in hichtepunt yn 2001 troch har rol as Lara Croft yn de film Tomb Raider. Yn 't earstoan hie Jolie de reputaasje fan saneamde Hollywood-rebel, mei troch har iepenheid oer har depresje, automutilaty, biseksualiteit en har foarkar foar tatoeaazjes en messen. Troch har wurk as ambassadeur fan de UNHCR en de adopsjes fan har bern krige hja letter een mylder imago.

Yn augustus 2001 waard Jolie beneamd ta ' goodwill ambassadeur ' fan de UNHCR, nei't hja foar dy organisaasje de lannen Sierra Leone en Tanzania besocht hie. Jolie krige yn 2005 it Kambodjaansk steatsboargerskip as tank foar har krewearjen foar it miljeu yn dat lân Dit wie mooglik troch in dekreet fan kening Norodom Sihamoni.

Yn 2005 besocht se foar de UNHCR flechtlingekampen yn noardlik Thailân oan de grins mei Myanmar. Hja hie doe wilens mear as 20 besites brocht oan opfangsintrums foar fan hûs en hiem ferdreaunen oer de hiele wrâld sûnt hja yn 2001 begûn mei har wurk foar dizze FN-organisaasje.

• 
  Jolie yn Washington, D.C. yn 2005
• 
  Jolie mei tatoeaazjes, juny 2007
• 
  Jolie en Condoleezza Rice op World Refugee Day, juny 2005

Keppelings om utens

• UNHCR Goodwill Ambassador Angelina Jolie, offisjeel hiemstek by UNHCR.org
• Angelina Jolie's Refugee Journals, Jolie's reisdeiboeken (2002–2005) by UNHCR.org
• Journey Through Eastern Congo, multimedia sjoernaal, ferteld troch Jolie

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Angelina Jolie fan Wikimedia Commons.