Charley Atwell

	Charley Atwell
	persoan yn de seksyndustry
	persoanlike bysûnderheden
echte namme	Charley Atwell
nasjonaliteit	Britsk
berne	24 maart 1985
berteplak	yn Esseks (Ingelân)
etnisiteit	Ingelsk
	wurkpaad
wurksum as	glamourmodel, neakenmodel, ; lesbysk pornoaktrise
jierren aktyf	2010 – no
	offisjele webside
	gjint

Charley Atwell (yn Esseks (Ingelân), 24 maart 1985) is in Britsk glamour- en neakenmodel fan Ingelsk komôf. Hja sette yn 2010 útein mei in wurkpaad as model, en stiet benammen bekend om har grutte boarsten. Hja hat ek yn twa lesbyske pornofilms spile.

Libben en karriêre

Atwell waard yn 1985 berne yn it greefskip Esseks, yn súdeastlik Ingelân. Hja begûn yn 2010 oan in karriêre as model, wêrby't se benammen posearret foar glamourfotografy en neakenfotografy. Sadwaande hat se as centerfold yn ferskate manljusblêden stien. Yn 2011 spile se yn 'e lesbyske pornofilm Glamsmoke fan 'e filmstudio Bluebird Films. Datselde jiers fertolke se teffens in net-pornografyske rol yn 'e film Blonde and Blonder, dy't ek troch Bluebird Films útbrocht waard. En yn 2013 wie se jitris yn in lesbysk pornografyske rol te sjen, yn Fuck the Cook, op 'e nij fan Bluebird.

Charley Atwell is blank, mei brune eagen en brún hier. Neffens har offisjele opjefte is se 1.70 m lang, mei in gewicht fan 57 kg, en kupmaat 34G, dêr't se ferskate boarstfergruttingsoperaasjes foar ûndergien hat. Hja stiet dan ek benammen bekend om har boarsten, dy't kûgelrûn binne. Atwell hat in nâlpiercing en in tatoeaazje op har rjochterearm.

Boarnen, noaten en/as referinsjes: