FUEN

At FUEN (iar FUEV) as det Föderalistisk Union faan Europeesk Natsionaliteeten. Diar uun san muar üs 100 (spriak-)manertaalen faan 36 lunen uun Euroopa tuupslööden.

At FUEN as 1949 uun Versailles (Frankrik) grünjlaanj wurden. Hat sjocht ham salew üs efterfulger faan a Europeesk Natsionaliteetenkongres (1925-1938). At FUEN as bedialagt bi a Euroopariad an a UN.

Hör büroo hää at FUEN uun Flensborag (Sjiisklun).

Wat wal at FUEN?

Spriak, kultuur an histoore faan manertaalen skel pleeget an erhäälen wurd.
Manertaalen an muartaalen uun en stoot skel uun frees tuuplewe.
A grensen tesken stooten skel aachtet wurd.
At Europeesk Charta för a Regiunaal- an Manertaalspriaken skal faan aal a lunen uun Euroopa gudkäänd wurd.

Wat maaget at FUEN?

Arke juar jaft'at en kongres mä aal a manertaalen.
Tu aktuel fraagen woort beslööden an bekäänd den.
At tidjskraft Europa Ethnica woort ütjden
Tu salew tidj faan't UEFA Futbaal Euroopamäästerskap jaft'at at Europeada.

JEN

För a jong lidj jaft'at en jöögesiinrachtang JEN (iar JEV), det as at Jööges faan a Europeesk Natsionaliteeten. At JEN wal a Europeesk manertaalen onerenööder bekäänd maage, an maaget arke juar en grat rais.

Uun't JEN san 42 jöögesiinrachtangen faan 19 lunen tuupslööden.

Nordfriislon

Faan Nuurdfresklun san tau ferianer lasmoot faan't FUEN:

Fresk Riad (för Nuurdfresklun)
Friisk Foriining

Presidenten

Charles Plisnier (1949–1952)
Willem Kok (1954–1957)
Hans Graf von Matuschka (1957–1959)
Hans Schmidt-Oxbüll (1959–1963)
Svend Johannsen (1963–1967)
Severino Caveri (1967–1969)
Friedl Volgger (1969–1973)
Hans Ronald Jørgensen (1973–1977)
Karl Mitterdorfer (1977–1981)
Reginald Vospernik (1982–1986)
Pierre Lemoine (1986–1990)
Karl Mitterdorfer (1990–1994)
Christoph Pan (1994–1996)
Romedi Arquint (1996–2007)
Hans Heinrich Hansen (2007–2016)
Loránt Vincze (2016–daalang)

Luke uk diar

FUEN Wääbsteed