Hildesheim
![](http://upload.wikimedia.org/wikipedia/commons/thumb/7/7a/Hildesheim_Dom_bph.jpg/250px-Hildesheim_Dom_bph.jpg)
Hildesheim er ein gamal býur í Norðurtýsklandi við ánna Innerste og hevur 103 804 íbúgvar (31.12.2016).[1] Býurin er 92,17 km² til víddar.
Søga
Fólk hevur búð har síðan um ár 700. Í meira enn 1100 ár hevur Hildesheim verið biskupssetur. Biskupssetrið hevur verið stovnað í 815. Tann fyrsta dómkirkjan varð bygd i 9. øld. Fram til 2009 eru nevndir 72 katólskir biskupar í Hildesheim. Hildesheim fekk keypstaðurrættindi í 1249 og gjørðist ein sera ríkur handilsstaður í miðøld. Um ár 1300 hevði Hildesheim umleið 5 000 íbúgvar, meira enn Berlin ella München. Í 1542 hendi siðaskifti í Hildesheim. Háskúlinn varð stovnaður í 1971.
Átrúnaður
Meira enn 38 % av fólkinum hoyrir til ta evangelisku-luthersku kirkjuna og umleið 28 % hoyrir til ta katólsku kirkjuna. Hildesheim er katólskt biskupssetur.
Áhugaverð støð
![](http://upload.wikimedia.org/wikipedia/commons/thumb/6/69/Casa_Gremial.jpg/220px-Casa_Gremial.jpg)
- Dómkirkjan varð bygd í 9. øld. Ein størri umbygging og víðkan varð gjørd í 10. og 12. øld. Síðan 1985 er dómkirkjan UNESCO heimsarvur.
- Michaeliskirkjan varð bygd í árunum 1001-1033. Siðan 1985 er kirkjan UNESCO heimsarvur.
- Ráðhúsið varð bygt í 1268. Ráðhúsið stendur við Torginu (Marktplatz).
- Knochenhauer-Amtshaus, eitt stórt bindingsværkshús frá 1527, stendur eisini við Torgið.
- Kehrwiedertornið (30 metrar), bygt í 13. øld, stendur við gøtuna Lappenberg.
- Andreaskirkjan, bygd í 14. øld. Tornið (114,3 metrar) er tað hægsta kirkjutornið í Niedersachsen og varð ikki liðugt fyrr enn 1883.
- Borgarmúrurin frá miðøld.
- Krosskirkjan varð stovnað í 9. øld og heilt umbygd í 11. øld.
- Viðarlundin Magdalenengarten er ein gomul viðarlund frá 1720-25 og liggur í miðbýnum. Viðarlundin hevur eisini eina vínbrekku. Tann gamli borgarmúrurin sæst.
- Godehardskirkjan varð bygd í árunum 1133-1172.
- Gomul hús frá miðøld, t.d. í gøtunum Lappenberg, Brühl, Hinterer Brühl, Gelber Stern, Keßlerstraße, Knollenstraße, Am Kehrwieder, Godehardsplatz. Við Godehardsplatz stendur t.d. Wernerhús frá 1616.
- Borgin Steuerwald: Biskupur Heinrich II (1310-1318) læt borgina býggja í árunum 1310-13. Ein størri umbygging og víðkan varð gjørð í árunum 1319-31 og í 16. øld. Tornið (26 metrar) varð bygt í 1325. Bønhúsið (Magdalenenkapelle), vígd í 1310, er eisini sera áhugavert.
- Mauritiuskirkjan varð vígd í 1068 og umbygd í 18. øld. Tornið varð bygt í 1765.
- Borgin Marienburg: Biskup Heinrich III (1319-1331) læt borgin byggja í 1346 við ánna Innerste. Borgin stóð liðug í 1349. Millum annað er tornið (31 metrar) áhugavert.
- Viðarlundin Ernst-Ehrlicher-Park er ein gomul viðarlund frá 19. øld og liggur í miðbýnum.
- Lambertikirkjan varð bygd í árunum 1474-88.
Myndir
-
Andreaskirkjan
-
Gøturnar Lappenberg og Kehrwiedertornið
-
Gøtan Hinterer Brühl. Í baksýni sæst Godehardikirkjan.
-
Michaeliskirkjan, UNESCO mentanararvur
-
Viðarlund Magdalenengarten.
-
Borgarmúrur frá miðøld.
-
Borgin Steuerwald
-
Borgin Marienburg.
-
Gøtan Gelber Stern.
-
Gøturnar Knollenstraße og Lambertikirkjan