Castilla i León
Castilla i León | ||||
---|---|---|---|---|
Entidad subnacional | ||||
![]() | ||||
| ||||
![]() Ubicación de Castilla i León | ||||
Coordenadas | 41°45′16″N 4°46′55″O / 41.754444444444, -4.7819444444444 | |||
Entidad | Comunidá utónoma | |||
• País |
![]() | |||
Superficii | ||||
• Total | 94 223 km² | |||
Puebración (2021) | ||||
• Total | 2383139 hab. | |||
• Densidá | 25,29 hab/km² | |||
Huso horario | UTC+01:00 y UTC+02:00 | |||
Sitio web oficial | ||||
Castilla i León, tamién mentau comu Castilla i Lión (oficialmenti en castellanu: Castilla y León) es una comunidá utónoma española costituía en 1983 cona unión del País Leonés cona gran parti de Castilla la Vieja. El su territoriu s'alcuentra assitiau ena parti norti la meseta la península Ibérica, i se correspondi mayoritariamenti cona parti española dela cuenca del Dueru. Está hormá polas provincias d'Ávila, Burgus, León, Palencia, Salamanca, Segovia, Soria, Valladolís i Çamora. Es la comunidá utónoma con mayol destensión d'España. Tal i comu el Estatutu d'Utonomía de Castilla i León arrecoji nel su preámbulu (2007):
![]() |
«La Comunidad Autónoma de Castilla y León surge de la moderna unión de los territorios históricos que componían y dieron nombre a las antiguas coronas de León y Castilla.» | ![]() — Estatutu d'Autunomia de Castilla i León[1]
|
L'Estatutu d'Utonomía no estableci esplícitamenti una capital. Nun prencipiu las Cortis s'assitiarun de horma provisional en Burgus; tamién se palró al tentu d'assitial la capital en Tordesillas, enque la decisión final hue assitial las Cortis de mó provisional nel castillu de Fuensaldaña. Finalmenti, pol mé duna Lei Orgánica aprevá en 1987, se decidió establecel que la Junta de Castilla i León —el goviernu dela comunidá— i las Cortis —el órganu legislativu— tuvieran la su sé definitiva ena ciá de Valladolís. Al igual que otras comunidais autónomas españolas, comu País Vascu, se considera la capital la ciá ena que s'alcuentran las estitucionis básicas dela comunidá.
El Estatutu d'Utonomía defini una serii de valoris esencialis i símbolus delos abitantis de Castilla i León, comu el su patrimoñu lengüísticu (aludiendu ala lengua castellana i al restu de lenguas palrás ena comunidá: el leonés i el gallegu) o el su patrimoñu estóricu, artísticu i natural. Entri los símbolus s'alcuentran el blasón, la bandera, el pendón, l'inu (enque no essisti), al tiempu qu'el 23 d'abril quea definíu comu Dia de Castilla i León, en conmemoración dela derrota sufría polos exércitus delas ciais castellanas ena batalla de Villalar duranti la Guerra delas Comunidais de Castilla, en 1521.
Organiçación territorial
[Edital | Editá'l códigu]![](http://upload.wikimedia.org/wikipedia/commons/thumb/a/a0/Provincias_de_Castilla_y_Le%C3%B3n.svg/250px-Provincias_de_Castilla_y_Le%C3%B3n.svg.png)
Arraya al norti con el Prencipau d'Asturias, Cantabria i País Vascu, al esti con La Rioja i Aragón, al sul cona Comunidá de Mairil, Castilla-La Mancha i Estremaúra, i al oesti con Galicia i Portugal, i está hormá pol nuevi provincias: Ávila, Burgus, León, Palencia, Salamanca, Segovia, Soria, Valladolís i Çamora.
Patrimoñu lingüísticu
[Edital | Editá'l códigu]Dalcuerdu con el Estatutu d'Utonomía de Castilla i León, nesta Comuniá se palran cuatru luengas: el castellanu, el lionés, en angunas árias del oesti la Comuniá, que "sedrá ohetu de proteción específica [...] pol su particulal valol endrentu el patrimoñu luengüísticu la Comuniá", el gallegu, el cual, sigún arrecohi el Estatutu d'Autunomia, "goçará de respetu i proteción enos lugaris en que abitualmenti se gasti" (hundamentalmenti, enos lugaris arrayantis con Galícia de las comarcas de El Bierzo i Sanabria) i el euskera en La Puebla de Arganzón (Burgus).
Dessisti tamién la Palra el Rebollal, que angunus crassifican endrentu la luenga estremeña i otrus, endrentu la leonesa.
Referencias
[Edital | Editá'l códigu]Atijus p'ahuera
[Edital | Editá'l códigu]- Junta de Castilla i León
- Cortis de Castilla i León
- Procuraol del Común de Castilla i León
- Conseju Conómicu i Social
- Conseju dela Juventú de Castilla i León
- Portal de turismu de Castilla i León
- Hundación del Patrimoñu Estóricu de Castilla i León
- Hundación del Patrimoñu Natural de Castilla i León
En Commons ai conteníu multimedia sobre Castilla i León.