Gloria Macapagal-Arroyo

Gloria Macapagal-Arroyo
Irudi gehiago
Member of the House of Representatives of the Philippines (en) 2022ko ekainaren 30a - ← Mikey Arroyo Barrutia: Pampanga's 2nd congressional district (en) Hautetsia: 2022 Philippine House of Representatives elections (en) Deputy Speaker of the House of Representatives of the Philippines (en) 2016ko abuztuaren 15a - 2017ko martxoaren 15a ← Roberto Punò Member of the House of Representatives of the Philippines (en) 2016ko ekainaren 30a - 2019ko ekainaren 30a - Mikey Arroyo → Barrutia: Pampanga's 2nd congressional district (en) Hautetsia: 2016 Philippine House of Representatives elections (en) Member of the House of Representatives of the Philippines (en) 2013ko ekainaren 30a - 2016ko ekainaren 30a Barrutia: Pampanga's 2nd congressional district (en) Hautetsia: 16th Congress of the Philippines (en) Member of the House of Representatives of the Philippines (en) 2010eko ekainaren 30a - 2013ko ekainaren 30a ← Mikey Arroyo Barrutia: Pampanga's 2nd congressional district (en) Hautetsia: 15th Congress of the Philippines (en) Secretary of National Defense (en) 2006ko azaroaren 30a - 2007ko otsailaren 1a - Hermogenes Ebdane (en) → Secretary of National Defense (en) 2003ko irailaren 1a - 2003ko urriaren 2a ← Angelo Reyes (en) - Eduardo Ermita (en) → 14. Filipinetako presidente 2001eko urtarrilaren 20a - 2010eko ekainaren 30a ← Joseph Estrada - Benigno Aquino III.a → Secretary of Social Welfare and Development (en) 1998ko ekainaren 30a - 2000ko urriaren 12a - Dulce Saguisag (en) → 10. Vice President of the Philippines (en) 1998ko ekainaren 30a - 2001eko urtarrilaren 20a ← Joseph Estrada - Teofisto Guingona Jr. (en) → Member of the Senate of the Philippines (en) 1992ko ekainaren 30a - 1998ko ekainaren 30a ICDP commissioner and Vice president (en)
Bizitza
Jaiotzako izen-deiturak	Maria Gloria Macaraeg Macapagal
Jaiotza	San Juan, 1947ko apirilaren 5a (77 urte)
Herrialdea	Filipinak
Talde etnikoa	Kapampangan people (en)
Familia
Aita	Diosdado Macapagal
Ama	Eva Macapagal
Ezkontidea(k)	Jose Miguel Arroyo  (1968ko abuztua -
Seme-alabak	ikusi Mikey Arroyo Diosdado Macapagal–Arroyo (en) Evangelina Lourdes Arroyo-Bernas (en)
Hezkuntza
Heziketa	Walsh School of Foreign Service (en) Filipinetako Unibertsitatea Ateneo de Manila University (en) Georgetowngo Unibertsitatea Assumption College San Lorenzo (en)
Hizkuntzak	gaztelania tagaloa ingelesa Kapampangan (en)
Jarduerak
Jarduerak	ekonomialaria, politikaria eta unibertsitateko irakaslea
Parte-hartzailea World Economic Forum Annual Meeting 2023 (en)
Enplegatzailea(k)	Ateneo de Manila University (en)
Jasotako sariak	ikusi Elisabet Katolikoaren Ordenaren lepokoa  (2007) Order of the Star of Romania Pro Ecclesia et Pontifice Grand Cordon of the Supreme Order of the Chrysanthemum honorary doctor of the Tsinghua University  (2001)
Kidetza	Philippine Academy of the Spanish Language (en)
Sinesmenak eta ideologia
Erlijioa	Erromatar Eliza Katolikoa
Alderdi politikoa	Lakas–CMD (en)
macapagal.com…

Gloria Macapagal-Arroyo (San Juan, Luzon, 1947ko apirilaren 5a - ) filipinar politikaria da, Filipinetako 14. presidentea 2001etik 2010era. 2005ean, Forbes aldizkariak 4. postua eman zion munduan botere gehien zuten emakumeen artean. Margaret Thatcheren jarraitzaile sutsua zela adierazi zuen.

Bizitza eta ikasketak

Aurreko lehendakariaren, Diosdado Macapagalen, eta Evangelina Macaraegen alaba da. 1968an Jose Miguel Arroyorekin ezkondu zen eta 3 seme-alaba dituzte: Juan Miguel (1969), Evangelina Lourdes (1971), eta Diosdado Ignacio José María (1974).

Lehen eta Bigarren Hezkuntzako ikasketak La Asunción komentuan egin zituen eta 1964an graduatu zen. Arte eta Ekonomia arloko Batxilergoa egin zuen La Asunción Unibertsitatean eta 1968an lortu zuen graduazioa. Ondoren Georgetown Unibertsitatean ikasi zuen eta Washington-eko unibertsitatean Bill Clintonen, Estatu Batuetako lehendakari ohiaren, gela-kide izan zen. Filipinetara itzuli zenean, Ekonomian lizenziatu zen Manilako Ateneo Unibertsitatean eta doktoratu egin zen. Hezkuntzan aritu zen lanean 1977tik 1987ra, Filipinetako Unibertsitatean eta Manilako Ateneo Unibertsitatean, batez ere.

Politikagintza

1986an hasi zen Corazón Aquinoren legegintzaldian. Oihal Esportazioko Juntaren zuzendari izendatu zuten hasieran eta gero Komertzio eta Industria azpi-idazkaritzan aritu zen lanean.

1992an izendatu zuten senadore eta 1995ean berriro. LDP alderdia eskuindarra zen eta LE-NUCD izan zen gerora, Fidel Ramosen alderdiarekin bat egin ondoren. Alderdi honen liderrarekin Edgardo Angararekin, haserretu ondoren, Angara gobernu koaliziotik atera egin zen eta Macapagal-Arroyok bere alderdi propioa osatu zuen, KAMPI, beste alderdi eskuindar batzuekin aliatuz. 1998an lehendakariorde izan zen, Joseph Estradak lehendakaritza okupatu zuenean. Gizarte Ongizate eta Garapeneko ministro izendatu zuten eta postu honetatik pobreziaren aurkako neurriak hartzen saiatu zen.

Estrada erabat desprestigiatuta erori zen, ustelkeria eta gaitasun eza zela-eta. Ministerioa utzirik Macapagal-Arroyo oposiziora joan zen 2000an. 2001ean egin zen lehendakari. 2004an berriro aukeratu zuten. Liberalismo ekonomikoaren esparruan beti ere, turismoaren sustatzaile sutsua izan da. Gizarte arloan kontserbadore, Eliza Katolikoarekin harreman onak izan ditu.

Oposizioa

2001ean jada, Estradaren jarraitzaileak joan ziren bere aurka eta iraultza egiten saiatu ziren. Estrada kartzela berezi batean zegoen garai hartan, Manilatik 45km-tara, eta lasaitasuna eskatu zien bere jarraitzaileei. Bost egunetan matxinada egoera dekretatu zuen lehendakariak eta atxiloketa ugari egiteko aukera eman zion horrek. Hainbat manifestari hil zen eta ehun zauritu inguru izan ziren. Oposizioaren liderra ere atxilotu zuten, Juan Ponce Enrile.

2003ko uztailaren 26an, 300 militarrez osatutako taldeak berriro egin zuen bere aurka, korrupzio salaketak medio. Magdalo izena hartu zuten militar kolpista hauek, XIX. mendean Espainiaren aurka borrokatu zuten filipino iraultzaile haien omenez. Berriro dekretatu zuen matxinada egoera delakoa eta 17 ordu beranduago estatu kolpea itzalia zegoen. Hala ere, Defentsa Ministroak kargua utzi behar izan zuen eta gobernuaren kontrako manifestazioak jarraitu zuten. Macapagal-Arroyok heriotza-zigorra berrezarri zuen, bahiketak ugaritzen ari ziren aitzakiaz.

2004ko maiatzaren 10ean Joseph Estradaren lagun zen Fernando Poe Jr-i irabazi zion. 12,5 milioi boto atera zuen eta bere kideak lehendakariordetza 15 milioi botoz. Oposizioak iruzurra izan zela esan zuen eta Makapagal-Arroyo berak ere balizko iruzurraren inbestigazioa bultzatuko zuela agindu zuen. 2006ko otsailaren 24an emergentzia egoera deklaratu zuen Macapagalek, estatu-kolpe baten ateetan zeudela-eta. 10.000 pertsona elkartu ziren neurri honen aurka protestatzeko.

Bitxikeriak

• Academia Filipina de la Lengua Españolako kide da. 1973an, Marcosen diktaduraren garaian, espainiar hizkuntzak ofizialtasuna galdu zuen Filipinetan eta Cori Aquinoren garaian konfirmatu egin zen hori. Badirudi, Gloria Macapagal-Arroyok berriro eman nahi diola ofizialtasuna 2008an.
• 2007ko abenduaren 5ean Ordiziara etorri zen, Andres Urdanetaren urteari hasiera emateko.

Kanpo estekak

• (Ingelesez) Gloria Arroyo webgunea

• Datuak: Q123665
• Multimedia: Gloria Macapagal-Arroyo / Q123665