Sozietate uharteak

Sozietate uharteak
	; Sozietate uharteetako mapa.
Bertako izena	Îles de la Société edota Archipel de la Société; Tōtaiete
Geografia
Kokapena	Ozeano Pazifikoa
Uhartedia	Sozietate uharteak
Uharteak denera	Denera 14
Uharte nagusiak	Tahiti, Raiatea, Moorea, Tahaa, Huahine eta Bora Bora
Azalera	1,590 km2
Punturik garaiena	Orohena mendia
Politika
Herrialdea	Frantzia
Hiri populatuena	Papeete
Hiri populatuenaren biztanleria	131.695
Gizartea
Biztanleria	227.807 (2007ko abuztua)

Sozietate uharteak^[1] (frantsesez Îles de la Société edota Archipel de la Société, tahitieraz Tōtaiete) Ozeano Barearen hegoaldean kokatzen den uhartedia da, administratiboki Frantziar Polinesian kokatzen direlarik. Berez uhartedi honek ez du tahitieraako izenik, halere ingelesezko Society hitzetik itzulitako Tōtaiete izendapena erabili ohi da. 2007ko abuztuan 227.807 biztanle zituen.

1880an uharteak Frantziaren protektoratua bilakatu ziren.

Banaketa

Uhartedia bi azpimultzotan banaturik dago:

Haizealdeko uharteak (Îles du-Vent):

Mehetia
Tahiti: hor, Papeete hiriburua dago.
Moorea
Maiao
Tetiaroa

Haizebeko uharteak (Îles Sous-le-Vent):

Huahine
Raiatea
Tahaa, Raiatea uhartearekin koralezko koroa elkarbanatzen du.
Bora Bora
Tupai (Motu Iti)
Maupiti
Maupihaa (Mopelia)
Manuae (Scilly)
Motu One (Bellinghausen)

Historia

1722an Jakob Roggeveen herbeheretarra izan zen uhartedira iritsi zen lehenbiziko europarra (Maupiti uharte txikira, hain zuzen). Gerora, 1767an Samuel Wallis ingelesak Tahiti eriden zuen. 1768an Louis Antoine de Bougainville frantziarrak uhartediari frantziar errege familiaren ohorez, Borbon Uharteak izena ipini zion. Halere, 1767an James Cook britainiarrak Society Islands izena jarri zien, bidaia antolatu zion Royal Society elkartearen ohorez: hori behin betiko izena bilakatu da. Aipagarria da Domingo Bonetxea euskal itsasgizona bertan birritan izan zela: bata 1772-1773ko espedizioan eta bestea, 1774-1775koan.