Musikal
![](http://upload.wikimedia.org/wikipedia/commons/thumb/c/c2/Crookfinale.jpg/350px-Crookfinale.jpg)
Musikala edo antzerki musikala, kultura anglosaxoiaren musika genero tipikoa da. Musika, kantua, dantza eta elkarrizketa uztartzen dituen antzerki mota bat da. Antzoki handietan antzeztutakoak izaten dira, Londoneko West End Antzokietan, adibidez. Baita New Yorkeko Broadwayn ere. Aurrekontu txikiagoko ekoizpenak, antzkoki txikiagoetan estreinatzen dira, Off Broadway direlakoetan. Gainera, aurrekontu txikiko musikalak antzezten diren antzokiak biltzeko maila bat sortu da, Off Off Broadway delakoa. Musikalak, euren jatorrizko eremu anglosaxoitik irten dira, beste herrialde batzuetara, Alemania, Austria, Frantzia, Kanada, Australia, Japonia edo Espainia kasu. Azken herrialde honetan, lehendik ere bazegoen antzerki lirikoaren ohitura, zartzuela, opera, opereta eta errebista musikalarekin. Oso berriki, Espainia edo Argentina (Zibrian-Mahler) bezalako herrialdeak, euren musikal propioak sortzen hasi dira, London edo New Yorkekoen egokierarik egin gabe.
Espainian sorturiko musikalei dagokienez, Dagoll Dagomen Itsasoa eta Zerua nabarmendu behar da. Azken aldian, musikal kutsua duten ikuskizunak barra-barra agertzen dira, talde ospetsuen kantuekin. Hoy no me puedo levantar, Mekano (musika) taldearen kantuekin, Mamma Mia!, ABBA taldearena, eta We will rock you, Freddie Mercury buru zen Queen taldearena. Ikuskizun onak dira, baina ezin daitezke, berez, musikal bezala kontsideratu, kantuak ez baitira istoriorako konposatu, alderantziz baizik.
Musikal ospetsuak
[aldatu | aldatu iturburu kodea]Kanpo estekak
[aldatu | aldatu iturburu kodea]- (Ingelesez) Broadwayko Nazioarteko Datubasea
- (Gaztelaniaz) Musikaletan espezializaturiko aldizkari digitala