Rheum

Rheum
	Irudi gehiago
Sailkapen zientifikoa
Erreinua	Plantae
Ordena	Caryophyllales
Familia	Polygonaceae
Generoa	Rheum; L.

Rheum Polygonaceae familiako generoa da, asiar jatorria duena. Genero honek 60 espezie ditu.

Deskribapena

Arabarba (Rheum rhabarbarum) eta R. rhaponticum landare jangarriak dira eta R. officinale sendabelarra. R. palmatum Txinan landatzen dute.

Landare bizikorrak dira. Hosto handiak eta peziolo mamitsu eta gorriak dituzte. Loreak zuri-berdexka eta txikiak dira. Errizoma oso garatuta dago. Haren fruitua nukula da. Haziak erein edo errizomaren zatiak landatzen dira.

Erabilera

Britainia Handia eta Frantzian arabarba oso ezaguna da. Hostoen pezioloak baino ez dituzte erabiltzen. Hostoen linboek azido oxaliko gehiegi dute eta toxikoak dira. Arabarbaren pezioloekin marmelada eta pastelak egiten dira.

Rheum officinale sendabelar laxante eta idorgarria da.