Brač

Brač
Datu orokorrak
Mendirik altuena	Vidova gora (en)
Garaiera	780 m
Mota	uharte
Azalera	396 km²
Geografia
Koordenatuak	43°18′40″N 16°39′56″E
UTC ordua	Europa Erdialdeko Ordua
Honen parte da	Dalmatian Archipelago (en)
Kokapena	Adriatikoa
Estatu burujabe	Kroazia
Kroaziaren banaketa administratiboa	Split-Dalmazia eskualdea
Ur-gorputza	Adriatikoa
Leku geografikoa	Adriatikoa

Brač (Bračeraz: Broc; latinez: Bretia; italieraz: Brazza) Kroaziako Split-Dalmazia eskualdeko uharte nagusia da Hvar irlarekin batera.

Historia

Erromatarrek Bretia izena eman zioten uharteari. Plinio Zaharrak dagoeneko aipatzen ditu bertako ardoa, oliba olioa eta ahuntz gazta. Dioklezianoren jauregia egiteko harri zuria uhartetik atera zen.

Ondoren avaroak eta eslaviarrak jabetu ziren irlaz. XIII eta XIV mendeetan veneziarrek hartu zuten uhartea eta Brazza deitu zuten, gaur egun italieraz ere izen hau dauka. Hurrengo mendeetan ere esku askotatik pasa zen 1815ean Austria-Hungariako Inperioak eskuratu zuen arte. 1918an Jugoslaviaren barnean gelditu zen eta azkenik Kroazian sartu zen honek askatasuna lortzean.

XIX. eta XX. mendeetan emigrazio handia jasan zuen, Australia, Zeelanda Berria, Argentina eta Txilera batez ere.

Herriak

Uharteko hiriburua Supetar da eta bertan dago kairik handiena. 10 kilometrotara Škrip herrixka dago, k.a. III. mendeko herrixka iliriarraren aztarnak dituena.

Hegoaldeko kostan Bol herri turistikoa dago. Aipatzekoa da batez ere Urrezko adarra (kroazieraz: Zlatni rat) hondartza.

Kanpo estekak

• Datuak: Q922
• Multimedia: Island of Brač / Q922