Fredrikstad FK

Fredrikstad Fotballklubb

Ezizena(k)	Aristokratene (aristokratak)
Sorrera	1903
Futbol zelaia	Fredrikstad Stadion edukiera: 12.560 lagun inaugurazioa: 2007
Presidentea	Jostein Lunde
Entrenatzailea	Bjørn Johansen
Liga	2. maila
2022	10.a
Webgunea	Webgune ofiziala
Etxekoa 　 Kanpokoa

1957ko Kopa finala.

Fredrikstad Fotballklubb edo FFK Norvegiako futbol talde onenetakoa da, Fredrikstad hirikoa. 9 aldiz irabazi du Norvegiako futbol liga eta beste 11 aldiz Kopa.

Historia

Taldea 1903an sortu zen. Garai hartan talde kirolanitzak izaten ziren eta futbola atal bat baino ez zen izaten, Fredrikstad aldiz futbol talde gisa sortu zen eta horregatik du Fredrikstad Fotballklubb izena. Gaur egungo kolore zuri gorria 1927an hartu zuen.

Lehenengo titulua 1932an eskuratu zuen, Norvegiako Kopa eta hamarkada horretan herrialdeko talde indartsuena bihurtu zen 5 Kopa eta bi liga lortu baitzituen. Bigarren Mundu Gerran alemaniarrek okupatu zuten herrialdea eta 1945 arte ez zen futbol txapelketa berririk antolatu.

50. hamarkadan urrezko aro berria izan zuen Fredrikstadek, 60. hamarkadaren hasierara luzatu zena, sei liga berri eta lau kopa eskuratu zituen. Ordutik aurrera ordea jeitsiera nabarmena izan zuen eta sarritan behe mailatan aritzea ere tokatu zitzaion. Bi kopa berri lortu izan ditu ordutik, 1984koa eta 2006koa, eta oraindik ere Ligan zein Kopan garaipen gehien dituen bigarren taldea da.

2011an Raio Piiroja jokalari estoniarraren kontratuaren inguruan ikerketak hasi zituzten eta abenduan poliziak miaketak egin zituen taldearen egoitzan. 2012an maila galdu zuen eta hirugarren mailara ere jeitsi zen.

Palmaresa

Norvegian: 20

• Liga (9): 1938, 1939, 1949, 1951, 1952, 1954, 1957, 1960, 1961.
• Kopa (11): 1932, 1935, 1936, 1938, 1940, 1950, 1957, 1961, 1966, 1984, 2006.

Kanpo estekak

• (Norvegieraz [bokmål]) webgunea

• Datuak: Q216131
• Multimedia: Fredrikstad FK / Q216131