Berrozpe baserria

Berrozpe baserria
	Eraikitako euskal ondasun nabarmena
	Euskal Herriaren barnealdeko Donejakue bidea
	Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Andoain
Koordenatuak	43°13′18″N 2°01′03″W / 43.2218°N 2.01737°W
Historia eta erabilera
Eraikuntza	XV. mendea -
Arkitektura
Estiloa	arkitektura gotikoa
Ondarea
EJren ondarea	8

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

Berrozpe baserria edota Berrozpe dorretxea XV. mendeko baserri-dorretxea da, Andoainen kokatutakoa, Gipuzkoan. Estilo gotikoa eta Erdi Aroko ezaugarriak ditu (arku zorrotzak eta leiho konopialak).^[1]

Kokapena

Andoaingo Kale Txiki auzoan dago, herrigunetik Urnietara doan bidegurutzean eta, bai Andoaingo geltokitik, bai Martin Ugalde Kultur Parketik hurbil.

Historia

Lehenengo eraikina sortu zuten familiaz ez dakigu ezer. Antzina defentsa-dorretxea izana, 1479an eraikin honetan batzartu ziren Donostiaren eta Tolosaren arteko liskarrak konpontzeko asmoz; horren ondorioz, Andoain, Alkiza eta Aduna Donostiaren mende gelditu ziren. Domenjón González de Andia aipatzen da bilera hartako parte-hartzaileen artean.

Garai haietako aztarnak beheko solairuan ageri dira, sarrera nagusia eta atzealdeko saieterak. Manuel Lekuonaren ustez, dorretxearen inguruan babes erreten bat zegoen, aldameneko errekaren urez betetzen zena, eta zubi altxagarri batez hornitua. XV. mendean, Henrike IV.a Gaztelakoaren agindua betez, dorrea bota zuten eta eraikinak jauregi itxura hartu zuen. XVIII. mendean, bestetik, gaur egungo itxura hartu zuen, baserri modukoa. 1946an, erreformako lanak burutu ziren.^[2]

Ama Kandidaren jaiotetxea

Bertan jaio zen, 1845ean, Juana Josefa Zipitria, Ama Kandida Jesus izenez ezagunagoa, Jesusen Alaben sortzaile izan zena. ^[3] Gaur egun eraikina haien egoitza da, eta hango kapera eguerdiko eguerdiko mezan bisita daiteke edozein egunetan.

Erreferentziak

↑ Berrozpe dorretxea. turismoa.euskadi.eus (Noiz kontsultatua: 2023-6-19).
↑ Roque Aldabaldetrecu: Casas solares de Guipúzcoa, CAP, 1979, ISBN 84-7231-501-0, 13-15 or.
↑ Berrozpek Ama Kandidaren heriotzaren 95. urteurrena ospatuko du. Diariovasco.com (Gaztelaniaz)

Kanpo estekak

Datuak: Q20492160
Multimedia: Casa Berrozpe / Q20492160

[1] Berrozpe dorretxea. turismoa.euskadi.eus (Noiz kontsultatua: 2023-6-19).

[2] Roque Aldabaldetrecu: Casas solares de Guipúzcoa, CAP, 1979, ISBN 84-7231-501-0, 13-15 or.

[3] Berrozpek Ama Kandidaren heriotzaren 95. urteurrena ospatuko du. Diariovasco.com (Gaztelaniaz)

[1]

[2]

[3]