Formoso

Formoso
	; Irudi gehiago
; 111. Aita santu	; 891ko urriaren 10a - 896ko apirilaren 4a ; ← Eztebe V.a - Bonifazio VI.a →
; 111. Aita santu
Bizitza
Jaiotza	Erroma, c. 816
Herrialdea	Aita Santuen Lurraldea
Heriotza	Erroma, 896ko apirilaren 4a (79/80 urte)
Hobiratze lekua	San Petri basilika
Heriotza modua	: pozoitzea
Hezkuntza
Hizkuntzak	latina
Jarduerak
Jarduerak	diplomazialaria, apaiz katolikoa eta idazlea
Lantokia(k)	Erroma eta Aita Santuen Lurraldea
Sinesmenak eta ideologia
Erlijioa	Erromatar Eliza Katolikoa

Formoso^[1] (Ostia, c. 816 - † Erroma, 896ko apirilaren 4a) Eliza Katolikoaren 111. Aita Santua izan zen 891 eta 896 urteen bitartean.

Bere agintaldia istilutsua zen oso. Ageltrude enperatrizarekin etsaitu zen, haren seme Lamberto ez zuelako nahi izan Germaniako Erromatar Inperio Santuko enperadore izendatu, eta Ageltruderen etsaiekin, karolingioekin, lerratu zen Arnulfo Karintiakoa izendatuz enperadore. Ageltrude eta Lamberto ihes egin behar izan zuten Erromatik ondorioz. Baina Arnulfo perlesiak jota geratu zen izendapenetik gutxira, eta aita santua bera ere garai bertsuan hil zen.

Orduan, Ageltrude itzuli zen Erromako politika kontrolatzera, eta ez bakarrik inposatu zuen aita santu berriaren izendapena, baizik eta agindu zuen Formosoren gorpua hilobitik ateratzeko, eta epaitzeko. Halaxe egin zen, Gorpuaren sinodoa esan izan zaion espektakulu bitxian.

Formosoren aurkako akusazioak egin ziren: egoitzak transmigratzea lege kanonikoak zionearen aurka, zin egite faltsua, eta apezpiku izatea benetan laikoa zenean. Epaiak Formoso erruduna zela ebatzi zuten. Gorpuari arropak kendu zizkioten eta eskubiko eskuko hiru hatz moztu zizkioten, bizirik zegoenean horiek erabili baitzituen bedeinkazioak emateko. Formalki, gainera, bere agintaldiko ordenazio eta agindu guztiak bertan behera geratu ziren.