Soichiro Honda
Appearance
Soichiro Honda (Hamamatsu, Japonia, 1906 - Tokio, 1991) japoniar enpresaburua izan zen. Bigarren Mundu Gerraren ondoren, inoiz izan den motor-enpresa handiena sortu zuen, Honda. Makina dotoreak saltzen zituen, armadak behar ez zituen motorrak moldatuta. Lastertasun handiko motor haiei sekulako potentzia atera zien. Aurrerago, autoen munduan sartu zen. Enpresaren ikerkuntza-institutuaz arduratu zen bera, zuzendari gazteen eskuetan utzita enpresako kudeaketa. Japoniako gerra ondoko mirari ekonomikoaren ikur nagusietako bat da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.