Ida Rubinstein
Ida Lvovna Rubinstein, errusieraz Ида Львовна Рубинштейн (Kharkiv, Errusiar Inperioa, gaur egun Ukraina, 1888ko urriaren 5a - Vence, Frantzia, 1960ko irailaren 20a) errusiar dantzaria eta modeloa izan zen.
Biografia
Fokineren ikaslea. 1910-1911. urteetan Diaghilevek zuzentzen zituen Errusiar Balleten taldeko kide izan zen, baina utzi egin zuen bere taldea sortzeko. Claude Debussyren eta Gabriele d'Annunzioren "San Sebastian martiriaren heriotza" laneko Sebastianen antzezpena egin zuen. Bereziki beretzat idatzitako ballet ugari estrainatu zituen: Maurice Ravelen Bolero (1928), Igor Stravinskiren Persefona (1934); A. Honeggeren Jeanne d´Arc au bûcher (1938).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.