Pankreako minbizi

Pankreako minbizia digestio-aparatuaren organo horren tumore gaiztoen multzoa da, alde batetik gehien-gehienak diren tumore exokrinoak ditugula (%98-99a) eta bestetik askoz urriagoak diren tumore endokrinoak (%1-2a).

Pankreako minbizi
Deskribapena
Mota	endocrine gland cancer (en) , Pankreako gaixotasuna, pancreatic neoplasm (en) , gastrointestinal system cancer (en) eritasuna
Espezialitatea	onkologia digestio aparatuaren medikuntza
Sintoma(k)	tripako mina, Ikterizia, Pankreatitis akutua, anorexia Trousseau's syndrome (en)
Azterketa medikoa	ekografia, ordenagailu bidezko tomografia axiala, odol-analisi, biopsia Positroi-igorpenaren bidezko tomografia
Asoziazio genetikoa	Zerrenda SBF2 (en) , GRID1 (en) , GTF2H1 (en) , DAPK1 (en) , BACH1 (en) , DAB2 (en) , TAFA5 (en) , IL17F (en) , PRB2 (en) , DPP6 (en) , MYO1D (en) , PRKN (en) , RNF149 (en) , RNF43 (en) , BICD1 (en) , NR5A2 (en) , CLPTM1L (en) eta ABO (genea)
Tratamendua
Erabil daitezkeen botikak	octreotide (en) , docetaxel (en) , tamoxifeno, irinotecan (en) , ifosfamide (en) , fluorouracil (en) , α-streptozocin (en) , doxorubicin hydrochloride (en) , sunitinib (en) , sucrosofate (en) eta erlotinib (en)
Identifikatzaileak
GNS-10-MK	C25.0, C25.1 eta C25.2
GNS-9-MK	157.1, 157.8, 157.0 eta 157.2
OMIM	260350
DiseasesDB	9510
MedlinePlus	000236
eMedicine	000236
Disease Ontology ID	DOID:1793

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Oso pronostiko txarra dauka normalean, 3-6 hilabetekoa izanda bizirik irauteko batez bestekoa, eta 5 urtetarako bizirik irautea %5a baino txikiagoa. Urtero AEBetan 42.470 pertsona inguruk diagnostiko hau jasotzen dute eta horietatik 35.240 bat hiltzen dira.

Sailkapena

• Tumore exokrinoak:
  • Adenokartzinomak (%95a).
  • Kartzinoma epidermoideak (%5a).

• Tumore endokrinoak:
  • Intsulinomak.
  • Glukagonomak.
  • Somatostatinomak.
  • Nesidioblastomak.

Eragileak

Adina (>60 urte), gizonezkoa izatea, tabakoa, pankreatitis kronikoa eta eragile genetikoak ditugu besteak beste minbizi mota honen arrisku faktoreen artean.

Sintomak

• Tripako mina: Sabelaren goialdean kokatutakoa eta tipikoki bizkarrerantz zabaltzen dena.
• Jateko gogoaren falta, goragale eta goitikoak.
• Pisuaren galera nabarmena.
• Minik gabeko ikterizia, batez ere behazun-hodien butxadura dagoenean.
• Diabetea edo hipergluzemia.
• Depresioa oso ohikoa da, batzuetan minbizia diagnostikatuy baino lehen agertzen dena.

Diagnostikoa

Anamnesian jasotako datu klinikoez gain, proba osagarrien artean odol-analisiek gibeleko funtzioaren asaldurak azaldu ditzakete alde batetik, eta bestetik tumore markatzaile espezifikoa CA 19.9 da.

Bestela, proba erradiologikoen artean OTA edo eskanerra hoberena, ekografia soilak ematen duena baino informazio handiagoa eskaintzen duena.

Azkenik, beste minbiziekin eta bestelako gaixotasun batzuekin gertatu legez, pankreako tumoreekin ere biopsiak beharrezkoak dira diagnostikoa konfirmatzeko eta azpimota zehazteko.

Tratamendua

• Kirurgia: Beste tumore batzuekin gertatzen den bezala, hemen ere minbiziaren zabaltze egoeraren arabera egin daiteke ala ez. Tamalez, kasu honetan oso kasu gutxitan prozedura hau burutu ahal izaten da.

• Kimioterapia: Kirurgia egin ezin denean, aringarri moduan kimioterapia eskaini daiteke, beti ere helburu sendagarriak albo batean utzita eta bizirik irautea apur bat luzatzeko asmoz soilik. Gemzitabina izan zen erabilitako lehenengo agentea

Kanpo estekak

• (Ingelesez)Pankreako minbiziaz "American Cancer Society" webgunean

• Datuak: Q212961
• Multimedia: Pancreatic cancer / Q212961