Miguel Angel Etxauri

Miguel Angel Etxauri
Bizitza
Jaiotza	Iruñea, 1927ko irailaren 23a (97 urte)
Herrialdea	Nafarroa Garaia, Euskal Herria
Jarduerak
Jarduerak	margolaria

Miguel Angel Etxauri Culebras (Iruñea, 1927ko irailaren 23a) nafar margolaria da.

Bizitza

1946an Estatu Batuetara joan zen bere ikasketak bukatzera. 1952an, Ameriketako beste hainbat herrialdetan bizi ondoren, Uruguain hartu zuen bizilekua, 1965ean berriro Iruñera bizitzera itzuli zen arte. Bere lehenengo arrakasta eta lehenengo sariak Uruguain irabazi zituen. Iruñera itzulirik, hainbat erakusketa egin ditu Iruñean bertan, Madrilen, Bilbon, Donostian, Espainiako beste hainbat hiritan, Alexandrian, eta Europako hiri askotan. Bere obrak Montevideoko Udal Museoan, Gasteizko Arte Ederretako Museoan, Bartzelonako Diputazioaren Museoan eta Nafarroako Museoan daude.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q12263557