Juanan Urkijo
Juan Antonio Urkijo Azkarate[1] (Laudio, 1959ko apirilaren 24a) espainierazko idazle arabarra da.
Juanan Urkijo | |
---|---|
![]() (2008) | |
Bizitza | |
Jaiotza | Laudio, 1959ko apirilaren 24a (65 urte) |
Herrialdea | ![]() |
Familia | |
Anai-arrebak | ikusi
|
Hezkuntza | |
Heziketa | Deustuko Unibertsitatea |
Hizkuntzak | gaztelania euskara |
Jarduerak | |
Jarduerak | idazlea eta psikologoa |
Kidetza | Euskal Herriko Bakearen Aldeko Koordinakundea Kontzientzia Eragozpen Mugimendua |
- Artikulu hau idazle laudioarrari buruzkoa da; beste esanahietarako, ikus «Urkixo».
Biografia
aldatu1959an jaio zen Laudion; zazpi neba-arrebaren artean nagusia da. Txema Urkijo abokatuaren anaia eta Carlos de Urquijo politikariaren lehengusua da. KEMeko eta Euskal Herriko Bakearen Aldeko Koordinakundeko kidea izan da; soldadutzaren kontrako ekintzetan parte hartzeagatik bi hilabetez kartzelaratu zuten. Goi mailako ikasketen alorrean Psikologia Klinikoa egin zuen Deustuko Unibertsitatean eta Sexologia Madrilen.
Lanbidez umeen psikologo eta bikote terapeuta aritu eta gero, egun Laudioko Udalean Ongizate arloburua da. Bi alabaren aita da eta Gasteizen bizi da.
Lanak
aldatuNerabezaroan Laudioko Ipuin Lehiaketaren estreinako hiru edizioetan (1971, 1972, 1973) lehen saria eman zioten. Hurrengo urteetan zenbait aldizkaritan idatzi zuen: Laudioko Mazorca (1976) edota Deustuko Unibertsitateko Apuntes (1978-1979) agerkarietan besteak beste.
1980ko hamarkadan argitaratu gabe dauden Tragaluz olerki liburuska, ipuin batzuk (La última pared, El barón de los carmines, Gastón Delacroix) eta El alambique epigrama bilduma idatzi zituen. 1993an Bilboko El Sitio elkartearen Eleberri Sarian Cuando reinan los zafiros lanarekin finalista geratu zen, irabazle Ray Loriga suertatu zelarik. Hortik aurrera ren Bake Hitzak, Euskararen Berripaperak eta beste agerkari batzuetan kolaboratu izan du. 2006tik El alféizar de Dédalus bloga idazten du; Stephen Dedalus James Joycek Artistaren gaztetako portreta eta Ulysses lanetarako sortu zuen pertsonaia da, dublindarraren alter egoa dena. Urkijok batzuetan Dédalus ezizentzat erabili izan du.
Bubok.comen bitartez bi liburu argitaratuak ditu:
- El sabor de los días (2009). ISBN 978-84-613-2678-5. Cuando reinan los zafiros eleberriaren berrikuspena.
- El alféizar (2007). ISBN 978-1-4710-0260-1. Blogean bildutako ekarpenetan oinarrituta.
Erreferentziak
aldatu- ↑ Bizitzan oro har eta idatzitako liburuetan erabiltzen duen izena Juanan da. Abizena Urkijo idaztea euskal herritar honen aukera pertsonala da. Izan ere, Euskaltzaindiak, euskara baturako, Urkixo onartu du deitura horren grafiatzat. Ikus Euskal Onomastikaren Datutegia.