Hasier Etxeberria
Hasier Etxeberria Canales (Elgoibar, Gipuzkoa, 1957ko apirilaren 6a - 2017ko martxoaren 29a) euskal idazle, kazetari eta blogaria zen.[1]
| Hasier Etxeberria | |
|---|---|
 | |
| Bizitza | |
| Jaiotzako izen-deiturak | Hasier Etxeberria Canales |
| Jaiotza | Elgoibar, 1957ko apirilaren 6a |
| Herrialdea |  Gipuzkoa, Euskal Herria |
| Lehen hizkuntza | euskara |
| Heriotza | 2017ko martxoaren 29a (59 urte) |
| Heriotza modua | berezko heriotza: minbizia |
| Familia | |
| Aita | Felix Etxeberria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | kazetaria, idazlea, telebista aurkezlea, eleberrigilea eta ipuingilea |
| Jasotako sariak | ikusi
|
| Genero artistikoa | Haur eta gazte literatura antzerkia |
  | |
- Artikulu hau Elgoibarko idazleari buruzkoa da; beste esanahietarako, ikus «Etxeberria».
Lan ibilbidea
aldatuKulturgintzarekin harreman estua izan zuen betidanik, eta euskarazko irakaslea izatetik Euskal Telebistako informazio-zerbitzuetako erredaktore izatera pasatu zen. Sautrela literatur programaz gain, Fahrenheit, Eskamak kentzen, Babel, Ez dago larrosarik kultur saioak eta gastronomiari buruzkoak Zopa haundi eta Lapikoka aurkeztu eta zuzendu zituen. Euskaldunak izeneko saio berezia ere gidatu zuen, denak ETB 1ean. ZuZeu albistariaren sortzailetako bat izan zen.[2][3]
Idazle ibilbidea
aldatuHainbat literatur genero landu bazituen ere, ipuinlaritzat hartzen zuen bere burua, Karramarroaren aztarnak izanik autorearen hitzetan bere obrarik hoberenetarikoa.[4] Azken boladan, Hendaian bizi zen.[2]
Bere hitzen arabera, literaturara jo zuen Espainiako Polizia Nazionalak jasanarazitako tratuaren ondorioz: "(Idazlea izan) baino lehen, Hondarribian bizi nintzela, Espainiako Polizia Nazionalak Indautxuko komisaldegira eraman ninduen gau batez, enpresari bat bahitzen lagundu nuela eta. Gau beltza zinez, non igogailuek behegailuen izena hartu zuten, han denak egiten baitzuen zuloan behera, gora beharrean."[5] Horren emaitza Mugetan (1998) eleberria izan zen eta hurrengo urteetan hainbat nobela idatzi zituen: Irun Hiria Saria irabazi zuen, Arrainak ura baino lana barne.[2]
Hala ere, bere burua betidanik izan zuen idazletzat, bederatzi urteren inguruan hasi bai zen ipuinak argitaratzen.[4][3] Haur eta Gazte Literaturan egindako lanek ipuingintza nabarmentzen duten zenbait sari ekarri zizkioten, hala nola, Bilintx Saria, Julen Azpeitia Saria edo Gabriel Aresti Saria, besteak beste.[2]
Kazetaritza liburuak, gastronomia ardatz duten lanak eta artearen ingurukoak ere argitaratu zituen.[2]
Lanak
aldatuNarrazioa
aldatu- Ipuin ezberdinak eta erregalokoak (1984, Elkar)
- Alajaineta (1995, Elkar)
- Karramarroaren aztarnak (1997, Elkar)
Nobela
aldatu- Mugetan (1988, Elkar): Berrargitalpen berritua: Elkarlanean, 1996
- Arrainak ura baino (1999, Kutxa fundazioa): Berrargitalpena: Elkarlanean, 2000
- Eulien bazka (2003, Susa)
- Mutuaren hitzak (2005, Susa)
- Iturrino Handia (2007, Susa)
Haur eta gazte literatura
aldatu- Estatua baten historia (1988, Elkar): Berrargitalpen berritua: Elkar, 2000
- Inesaren balada (2002, Elkar)
Antzerkia
aldatu- Antso erregea (2004, Egilea editore)
Sukaldaritza
aldatu- Sukaliztegi partikularra (1996, Orain)
- Erabateko sukaldea (1998, Ttarttalo): Julian Bereciartua eta Luis Irizarrekin elkarlanean.
- Gipuzkoako Gastronomía-La Gastronomía de Gipuzkoa (2002, Gipuzkoako Kutxa): Martin Berasategirekin batera.
- Sukaldean-1001 errezeta etxean egiteko (2004, Lur) : David de Jorgerekin elkarlanean.
- Porca memoria: recuerdo de comida y bebida de un par de verracos (2006, RBA). David de Jorgerekin elkarlanean.
Elkarrizketa
aldatu- Bost idazle Hasier Etxeberriarekin berbetan (2002, Alberdania): Bernardo Atxaga, Ramon Saizarbitoria, Anjel Lertxundi, Koldo Izagirre eta Joseba Sarrionandiarekin elkarrizketak.
Bilduma
aldatu- Patri maitea... (2003, Alberdania)
Sariak eta errekonozimenduak
aldatu- 1987. Bilintx, Haur eta Gazte literatura, Estatua baten historia lanari esker.
- 1990. Imajina ezazu Euskadi, Ipuingintza.
- 1992. Julene Azpeitia, Ipuingintza, Aukera profesionala lanari esker.
- 1993. Rikardo Arregi Kazetaritza Saria.
- 1997. Gabriel Aresti, Ipuingintza, Ipuin postmoderno bat egin diot nere buruari lanagatik.
- 1999. Irun Hiria Saria, Literatura, Arrainak ura baino lanari esker.
Erreferentziak
aldatu- ↑ «literaturaren zubitegia - Hasier Etxeberria» zubitegia.armiarma.eus (Noiz kontsultatua: 2020-05-31).
- ↑ a b c d e «Etxeberria, Hasier - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2020-05-23).
- ↑ a b Euskal Literaturaren Hiztegia (ELH). (Noiz kontsultatua: 2020-05-31).
- ↑ a b SALABERRIA, Urkiri. (2006-03-31). «Hasier Etxeberria. Idazlea: Nik beti pentsatu izan dut ipuingilea naizela» www.euskonews.eus (Noiz kontsultatua: 2020-05-23).
- ↑ «Minbizia dut • ZUZEU» ZUZEU 2016-09-05 (Noiz kontsultatua: 2020-05-23).
Kanpo estekak
aldatu- Hasier Etxeberria literaturaren zubitegian
- Hasier Etxeberriaren bloga
- Elkarrizketa Argian
- Bideoa: Hasier Etxeberria lagunen bisita
Datuak: Q12258920
Multimedia: Hasier Etxeberria / Q12258920
