Guadalupeko gotorlekua

Guadalupeko gotorlekua Jaizkibelgo mendian 1900. urtean eraiki zen gotorlekua da, Hondarribian kokatua, Guadalupeko baselizatik hurbil. Oiartzungo lubaki-eremua delakoa osatzen zuten hiru gotorlekuetan handiena da (beste biak Txoritokietakoa eta San Markokoa dira), eta karlisten altxamenduei aurre egiteko eraiki ziren. Artilleriako pieza handiekin hornitu zuten. Gotorlekuak hiru atal ditu, erdikoa, eskuinekoa eta ezkerrekoa izenez ezagunak direnak. Erdiko atalak aurrealde bakarra du. Eskuinekoak eta ezkerrekoak hiru aurrealde eta bateria estali gabe bat dute.

Guadalupeko gotorlekua
Hondarribiko hiri historikoa Kostaldeko Donejakue bidea
Guadalupeko gotorlekuaren ikuspegia kanpoaldetik. Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Hondarribia
Koordenatuak	43°22′13″N 1°49′05″W
Historia eta erabilera
Eraikuntza	XIX. mendea
Arkitektura
Ondarea
109

1934. urtean kartzelatzat erabili zen, Arrasate eta inguruko matxinoak bertan preso izan baitzituzten. Espainiako Gerra Zibilaren hasieran Errepublikaren eskuetan izan zen, eta Irungo guduan protagonismo garrantzitsua izan zuen, bai errekete eta legionarioen kontra, bai Almirante Cervera eta España gerraontzien kontra. Irun eskuindar matxinoen eskuetan erortzear zela, zenbait eskuindar pertsonaia ezagun fusilatu zituzten bertan, adibidez, Joaquín Beuntza.

Gaur egunean Hondarribiko Udalarena da.

Iruditegia

• 
  Guadalupe gotorlekua. Ate nagusia.
• 
  Infanteriako patioa.
• 
  Eskuineko alderdia. Mortero bateria.
• 
  Eskuineko alderdia.

Erreferentziak

• Guadalupeko gotorlekua - EAEko Monumentuak, Monumentu-Multzoak eta Aztarnategiak
• Guadalupeko gotorlekua - Guadalupeko bisitak
• Guadalupeko gotorlekua - Guadalupeko gotorlekua informazioa

Ikus, gainera

• Oiartzungo lubaki-eremua

Kanpo estekak

• Datuak: Q12258758
• Multimedia: Fuerte de Nuestra Señora de Guadalupe / Q12258758