Georges Mathieu
Georges Mathieu (Boulogne-sur-Mer, 1921eko urtarrilaren 27a – Boulogne-Billancourt, 2012ko ekainaren 10a) frantses margolaria izan zen. Lehenengo olio-margoa 1942an egin zuen, eta 1944an hasi zen margolan abstraktuak egiten. 1947an L'Imaginaire, abstrakzio geometrikoaren kontra zeuden artista abstraktuen obrak biltzen zituen erakusketa antolatu zuen; Mathieu abstrakzio lirikoaren aitzindaria izan da, eta estasi-egoeran bat-batean margoturiko zeinu kosmikoen adierazpentzat definitu zuen abstrakzio hori. 1951. urte inguruan gestalt teoriarekin zaletzen hasi zen, eta zeinuaren pintura gauzatu zuen, esanahiaren aurretik zeinua jarriaz. Horrela, Arte Informalaren aitatzat hartua izan da. Lehen Mundu Gerra amaierako lanetan ikus daitekeenez, estilo kaligrafikoa erabili zuen, lerro zipriztinduekin, keinu oldarkorrei jarraituz eginiko marrazkiekin (Painting, 1953). Bestalde, ikuskizun eta performanceekiko zaletasun handia zuen, eta horrela, 1952. urtean jendaurreko margolaritza-saioa egin zuen Studio Paul Facchettin. 1953an United States Lines Paris Review aldizkaria eman zuen argitara, eta haren zuzendari izan zen hamar urtez. 1960ko hamarraldiaren hasieran eskultura monumentalak paratu zituen, eta artistak gizarte bizitzako eguneroko afera guztietan esku hartzeko duen beharraz jabetzen hasi zen; 1971n artistak gizartean duen zereginaren inguruko hitzaldi ospetsu bat eman zuen Nazio Batuen Zirkuluan, Bruselan.
Georges Mathieu | |
---|---|
![]() | |
Bizitza | |
Jaiotzako izen-deiturak | Georges Victor Adolphe Mathieu |
Jaiotza | Boulogne-sur-Mer, 1921eko urtarrilaren 27a |
Herrialdea | ![]() |
Heriotza | Boulogne-Billancourt, 2012ko ekainaren 10a (91 urte) |
Hobiratze lekua | Montmartreko hilerria |
Hezkuntza | |
Hizkuntzak | frantsesa |
Jarduerak | |
Jarduerak | margolaria, posta zigilu diseinatzailea, domina-egilea, marrazkilaria, artearen teorikoa, zeramikaria eta artista |
Parte-hartzailea
| |
Lan nabarmenak | ikusi
|
Jasotako sariak | |
Kidetza | Arte Ederren Akademia (Frantzia) |
Mugimendua | Espresionismo abstraktua lyrical abstraction (en) ![]() |
Genero artistikoa | Tachisme (en) ![]() |
georges-mathieu.fr |
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.