Dagerrotipo

Dagerrotipoa^[1] argizkigintzaren aurrenetako prozedura izan zen, Louis Daguerrek eta Joseph-Nicéphore Niepcek asmatutakoa. Objektuaren irudia zilar iodurozko geruza bat zeukan kobrezko xafla batean finkatzen zen. Irudi positiboa xaflari merkuriozko lurruna aplikatuz lortzen zen^[2].

Agerikoa denez, dagerrotipo izena Louis Daguerre asmatzailetik datorkio, euskal jatorrikoa zena (Agerre).

Historia

Dagerrotipoa ez zen lehen argazkigintza-prozedura izan, baina lehenagoko gehienek ekoitzitako irudiak laster desagertzen ziren egun-argiaren eraginez, finkatzaile eraginkorrik ez zegoelako, eta Niépce-ren prozesuak, zeinak Judeako betuna erabiltzen zuen, hainbat egun esposizioa behar zuen hartu ahal izateko. Dagerrotipo-prozedura izan zen, beraz, modu erabilgarri batean irudi iraunkor bat irarri eta erakusten lehenetarikoa. Horregatik, komertzialki erabilitako lehen argazkintza-prozedura bihurtu zen.

1837an lortu zuen Louis Daguerrek lehen argazkia teknika hau erabiliz; horretarako 50 kgtik gorako ekipoa baliatu zuen, 20 minutuko esposizioarekin^[3]. 1839an Frantziako Gobernuak patentea erosi eta askatu zuenetik, dagerrotipiak zabaltze handia izan zuen. Hala ere, prozedura garestia zenez eta ezinezkoa baitzen kopiak egitea, 1860 arte baino ez zen erabili^[2].

Argazkilaritzaren historiaren gainbegirada bat, Dagerrotipoetatik pixeleraino.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Dagerrotipo Zehazki, ehu.eus
↑ ^a ^b Bustillo, Fernando. Argazkigintzaren historia. Euskarazko Ikasmaterialen Gordailua, eimagordailua.eus (Noiz kontsultatua: 2015-12-27).^{[Betiko hautsitako esteka]}
↑ Nogeras, Itziar. Argazkigintza: sarrera-artikulua. Elhuyar aldizkaria, zientzia.eus (Noiz kontsultatua: 2015-12-27).

Kanpo estekak

Datuak: Q179744
Multimedia: Daguerreotypes / Q179744

Artikulu hau argazkigintzari buruzko zirriborroa da. Wikipedia lagun dezakezu edukia osatuz.

[1] Dagerrotipo Zehazki, ehu.eus

[bustillo-2] Bustillo, Fernando. Argazkigintzaren historia. Euskarazko Ikasmaterialen Gordailua, eimagordailua.eus (Noiz kontsultatua: 2015-12-27).^{[Betiko hautsitako esteka]}

[elhuyar-3] Nogeras, Itziar. Argazkigintza: sarrera-artikulua. Elhuyar aldizkaria, zientzia.eus (Noiz kontsultatua: 2015-12-27).

[1]

[2]

[3]