Claude C. Hopkins
Claude Clarence Hopkins (Spring Lake, Michigan, AEB, 1866 – Ibidem, 1932) publizitatearen historiako erredaktore garrantzitsuenetariko bat izan zen.
Claude C. Hopkins | |
---|---|
Bizitza | |
Jaiotza | 1866ko urtarrilaren 14a |
Herrialdea | ![]() |
Heriotza | Spring Lake (Michigan), 1932ko irailaren 22a (66 urte) |
Jarduerak | |
Jarduerak | advertising person (en) ![]() |
Ibilbide profesionala eta eraginak
aldatuFamilia kontserbadore batean jaio zen. Bere jatorri apalak eta amatik jasotako hezkuntza zorrotzak, txikitatik langile nekaezina bihurtzea eragin zuten. Ikasturtean zehar, eskolak garbitzen zituen eta oporretan, egunero 16 orduko lanaldiak egiten zituen baserrian. [1] 17 urterekin predikari lanetan ibili zen, Will Carleton-ek, Hopkins-en aitaren unibertsitateko kidea izan zen idazle batek, hori bere bokazio ez zela konbentzitu zuen arte.
Pobreziak ez zion unibertsitatera joateko aukerarik eman, beraz, esperientziaren eskolan prestatu zen. 200 dolarreko kopurua aurreztu ondoren, Swenburgeko Negozio Eskolan izena eman zuen. Lan hau onartzeak Bissell Carpet Sweeper Companyn sartzeko aukera eman zion eta produktuak sustatuz egindako salmenten planteamendu sortzaileari esker, Bissellek izugarri handitu zituen bere diru-sarrerak. Ondorioz, Claude Hopkins Bisselletik, Swift & Company Chicagoko haragi enpresa batera joan zen publizitate zuzendari bezala. Enpresan izandako arrakasta eta irabaziak izan arren, enpleguz aldatzea erabaki zuen, eta publizitate agentzia batentzat lan egin zuen: J. L. Stack. Bertan, kanpaina arrakastatsuak egin zituen Dr. Shoop 's Restorative, Montgomery Ward eta Schlitzentzat, besteak beste.
Hala ere, 1903an, bere lan-bizitzako erabakirik zailenetako bat hartu behar izan zuen. J. L. Stack-en postua utzi eta Liquozoneren kanpainetan murgildu zen esklusiboki. Germizida ekoizten zuen konpainia bat zen, banka hautsitan zegoena, baina potentzial handia zuena. Marka hau aurrera eramateagatik lortu zuen arrakasta zela eta, Lord & Thomas-ek lan-eskaintza bat egin zion. Bertan, sormen sailean lan egin zuen eta Albert Davis Lasker-ekin batera, agentzia hori Estatu Batuetako agentziarik garrantzitsuena bilakatu zuten. Lasker izan zen Hopkins-en ibilbide profesionalean eragin handiena izan zuen pertsona. Harekin asko ikasi eta partekatu zuen publizitate kontuetan.
Lord & Thomas izeneko agentzian zegoen bitartean, urte luze eta zail baten ondoren, agentziaren irabaziak 1.800.000 dolarrekoak izan ziren. Pepsodent kanpainak, hortik aurrera arrakasta handia lortu zuen. Liburu batean, hortz-plakari buruzko erreferentzia bat aurkitzean (ostean film deitu ziona), Pepsodententzako kanpainarako ideia bururatu zitzaion Hopkins-i. [2]
Lan-bizitzatik nekaturik, Claude Hopkins publizista handia bere jaioterrira itzuli zen, eta bertan bere liburua idazten eman zuen denbora: Scientific Advertising 1923an argitaratu zen eta, lau urte geroago, 1927an, My life in advertising. 1932an, Claude Hopkins hil zen. [1]
Erreferentziak
aldatu- ↑ a b «Centro de Documentación Publicitaria» www.lahistoriadelapublicidad.com (Noiz kontsultatua: 2021-04-14).
- ↑ (Gaztelaniaz) «My Life in Advertising- Claude C. Hopkins | Advertising» Scribd (Noiz kontsultatua: 2021-04-14).