'''Pussy Riot''' emakumez osatutako [[punk-rock]] talde [[feminista]] errusiarra da.
Pussy Rioteko bost kidek 2012ko otsailaren 21ean kantatu zuten [[Kristo Salbatzailearen katedrala|Moskuko katedral ortodoxoan]], Errusiako presidentetzarako hauteskundeak baino bi aste lehenago. Aldarera igo, eta Ama Birjinari [[Vladimir Putin|Putin]] boteretik bidaltzeko eskatu zioten. Taldearen saioak minutu bat baino gutxiago iraun zuen, zaindariek elizatik kanporatu baitzituzten. Bost abeslarietako hiru —[[MarijaMaria AlekhinaAliokhina]], [[Nadezhda Tolokonnikova]] eta [[Jekaterina Samutsevitx]]— martxoaren hasieran atxilotu zituzten, eta espetxeratu zuten. Beste biak zein ziren jakiterik ez zuen lortu Poliziak.<ref>{{erreferentzia|url=https://www.berria.eus/paperekoa/1484/012/001/2012-08-18/pussy_riot_talde_errusiarreko_kideei_bi_urteko_kartzela_zigorra_ezarri_diete.htm|egunkaria=[[Berria]]|izenburua=Pussy Riot talde errusiarreko kideei bi urteko kartzela zigorra ezarri diete|data=2012-08-18| postscriptum = CC BY-SA 4.0 lizentziapean}}</ref> Bost hilabetez behin-behineko espetxean eduki ondoren, 2012ko abuztuaren 17an bi urteko [[espetxe zigor]]ra jasan zuten. 21 hilabetez espetxean izan eta gero, Tolokonnikova eta Alekhina 2013ko abenduaren 13an espetxetik atera ziren [[Estatu-Duma]]ren [[amnistia]]ri esker.
