Regoledoj

Kiel legi la taksonomion Regoledoj
Orverta regolo Regulus regulus
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Regulidae Genro: Regulus Cuvier, 1800
Specioj
Vidu tekston.
Aliaj Vikimediaj projektoj

La Regoloj (Regulus) estas malgranda genro de birdoj, kiujn nuntempe la plej multaj ornitologoj taksas propra familio regoledoj, dum antaŭe pro ilia ekstera simileco kun la genro Filoskopoj oni alkalkulis ilin al la familio Silviedoj. La scienca nomo Regulidae devenas el la latina vorto regulus aŭ "eta reĝo" aŭ princo, kaj deriviĝas el la koloraj kronoj de plenkreskuloj.

La genro Regoloj enhavas sep speciojn. Unu, la Madejra regolo, Regulus madeirensis, estis nur ĵus disigita el Fajroverta regolo kiel aparta specio. Unu specio, la Rubenkrona regolo, diferenciĝas sufiĉe pro siaj voĉo kaj plumaro tiel ke ĝi ofte ricevis statuson de propra genro, Corthylio.

Regoloj troviĝas en Nordameriko kaj Eŭrazio. Ili estas loĝantoj de arbokronoj kaj manĝas insektojn. Ili estas la plej malgrandaj birdoj de sia habitato.

Listo de specioj

• Orverta regolo - Regulus regulus vivanta en Eŭrazio;
• Tenerifa regolo - Regulus teneriffae - separita de Orverta regolo, kiel separita specio, vivas sur orientaj Kanarioj;
• Fajroverta regolo - Regulus ignicapillus - vivanta en Eŭropo kaj Norda Afriko;
• Madejra regolo - Regulus madeirensis - vivanta sur insulo Madejro;
• Tajvana regolo - Regulus goodfellowi - vivanta sur insulo Tajvano;
• Orkrona regolo - Regulus satrapa - vivanta en Nordameriko;
• Rubenkrona regolo - Regulus calendula - vivanta en Nordameriko;
• Acora regolo - Regulus (regulus) azoricus.

Nomo kaj kulturo

La latina nomo regulus signifas "eta reĝo". Ĝi rilatas al la fablo pri la elekto de la "reĝo de la birdoj". La birdo kiu flugus la plej longan distancon iĝus reĝo. La aglo forflugis ĉiujn aliajn birdojn, sed ĝi estis venkita de malgranda birdo kiu estis kaŝiĝinta en ties plumaro. Tiu legendo estis jam konata de Aristotelo (Hist. animalium 9.11) kaj de Plinio (Naturalis hist. 10.74).

La motivo de tiu nomo estas la flava "krono" de regulus. Pro la legenda referenco al "plej malgranda birdo" kiu iĝas reĝo, la titolo estis tamen transportita al la troglodito en kelkaj lingvoj. La Fajroverta regolo kaj la Orverta regolo estas komune konataj ie ankaŭ kiel "fajrokresta troglodito" kaj, respektive, "orkresta troglodito" tiel plifortigante la asocion de la regolo kun la troglodito.