Originala versio

Originala versio aŭ malofte origina versio (OV) estas tiu versio de verko (ekz. filmo aŭ libro), en kiu la verko komence ekestis - kontraste al tradukitaj versioj, kiuj ekestas nur poste surbaze de la originala versio, pere de tradukado. Ekzemple ĉe filmoj tio signifas, ke en la originala versio la sono de la filmo ne estas dublita, do la lingvo uzata en la sono estas la originala. Por projekcii filmojn al neparolantoj de la originala lingvo, oni povas aŭ traduki la sonon en alian lingvon (dubli) kaj tiel krei novan alilingvan version, aŭ oni projekcias la originalan version kun subtekstoj en alia(j) lingvo(j).