Saanen (distrikto)
| Distrikto Saanen | |
|---|---|
 | |
 | |
| Distriktoj de Kantono Berno | |
 | |
| Kantono | Berno |
| Ĉefloko | Saanen |
| Geografia situo | CH1903: 586794 / 148012 (mapo)46.48337.2666694444444Koordinatoj: 46° 29′ N, 7° 16′ O; CH1903: 586794 / 148012 (mapo) |
|
| |
| Nombro de loĝantoj | 8732 (2008-12-31) |
| Areo | 240,9 km² |
| Loĝantardenseco | 36,2 loĝantoj/km² |
| Federacia Kodo | 0220 |
La distrikto Saanen (en la germana Amtsbezirk Saanen'; en la franca District de Gessenay) estis ĝis la 31-a de decembro 2009 administra unuo de Kantono Berno. Ĝi havis 8732 loĝantojn la 31-an de decembro 2008. Ĝia ĉefurbo estis la samnoma urbo Saanen.
Geografio
[redakti | redakti fonton]La distrikto Saanen situas en la Bernaj Alpoj en Berna Oberlando. Ĝia teritorio kongruas kun la fontoregiono de la rivero Sarino, kies germana nomo Saane donis al la distrikto kaj ĝia ĉefloko la nomon. La distrikto troviĝas en la sudokcidenta ekstremo de Kantono Berno kaj ĝia okcidenta kaj suda limoj estas samtempe la lingvolimo inter la germana kaj la franca lingvoj.
Najbaraj distriktoj
[redakti | redakti fonton]La distrikto Saanen limas en nordo al la distrikto Sense (Kantono Friburgo), en nordoriento al la distrikto Suba Simme-Valo, en oriento al la distrikto Supra Simme-Valo, en sudoriento al la distrikto Hérens (Kantono Valezo), en sudo al la distrikto Siono (Kantono Valezo), en sudokcidento al la distrikto Aigle (Kantono Vaŭdo), kaj en okcidento al la distrikto Riviera-Pays-d'Enhaut (Kantono Vaŭdo).
Historio
[redakti | redakti fonton]La hodiaŭa distrikto Saanen en mezepoko estis kampara unuiĝo, kiu en la jaro 1555 fariĝis berna kamparvoktejo. En la jaro 1798 okaze de la Helveta Revolucio ĝi fariĝis ĝis 1803 distrikto de la Helveta Respubliko. De 1803 ĝis 1831 ĝi estis berna ĉefdistrikto kaj per la nova konstitucio ĝi fariĝis distrikto de Kantono Berno. Per la revizio de la administra ordo de la jaro 1997 ĝi estis kunigita kun la distrikto Supra-Simme-Valo kaj kun efiko ekde la 1-a de januaro 2010 formas la novan administran distrikton Supra Simme-Valo-Saanen de la administra regiono Berna Oberlando kune kun la distrikto Supra Simme-Valo.
Komunumoj de la distrikto Saanen
[redakti | redakti fonton]La distrikto Saanen konsistas (stato en 2009) el 3 komunumoj, el kiuj la ĉefloko Saanen estas la plej granda. Urboj en la distrikto ne ekzistas. Jen la listo de la komunumoj:
| Blazono | Nomo | Loĝantoj (2008-12-31) |
Areo en km² |
Komunumkodo |
|---|---|---|---|---|
|
Gsteig ĉe Gstaad | 959 | 62,4 | 0841 |
|
Lauenen | 812 | 58,7 | 0371 |
|
|
Saanen | 6961 | 119,8 | 0371 |
| Totale | 3 | 8732 | 240,9 | 0220 |
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Distrikto Saanen – (Kolekto de bildoj kaj plurmediaj dosieroj)
| ||||||
| ||||||
