La printebla versio ne plu estas subtenata kaj povas havi bildigajn erarojn. Bonvolu ĝisdatigi viajn retumilajn legosignojn kaj bonvolu anstataŭe uzi la defaŭltan retumilan printan funkcion.
ISO 3166-2:HU estas subaro de la normo ISO 3166-2 rilate Hungarion. La kodojn havas la ĉefurbo, 19 departementoj, hungare nomataj megye, kaj 23 urboj, kiuj havas rajtojn de departementoj. Ĉiu kodo konsistas el du partoj, apartigitaj per streketo. La unua estas HU, la ISO 3166-1 dulitera (alpha-2) kodo de Hungario. La dua parto estas du literoj.
Pluraj grandaj urboj estas eksterdepartementaj; ili ne dependas de la administraj decidoj de la ĉirkaŭaj aŭ apudaj departementaj. Inter tiuj urboj estas ĉiuj 19 departementaj centroj, krome Dunaújváros, Hódmezővásárhely, Nagykanizsa kaj Sopron.
La kodoj ekde la unua publikigo en 1998 estis ŝanĝitaj unufoje: la 30-an de junio2010 oni aldonis kodon por la urbo Érd.