Elgg
|
Por samtitola artikolo vidu la paĝon Elgg (stacidomo). |
| Elgg | |||||
|---|---|---|---|---|---|
 | |||||
 | |||||
| komunumo en Svislando | |||||
| |||||
| Kantono | Zuriko | ||||
| Distrikto | Vinterturo | ||||
| Koordinatoj | 47° 30′ 2″ N 8° 52′ 8″ O / 47.50056 °N, 8.86889 °O (mapo)Koordinatoj: 47° 30′ 2″ N 8° 52′ 8″ O / 47.50056 °N, 8.86889 °O (mapo) | ||||
|
| |||||
| Nombro de loĝantoj | 3697 | ||||
| Areo | 15,53 km² | ||||
| Alteco | 530 m super marnivelo | ||||
| Poŝtkodo | 8353 | ||||
| Komunumkodo | 0217 | ||||
 | |||||
Pri la komunumo
Elgg estas historia urbeto en la distrikto Vinterturo, Kantono Zuriko, Svislando. Ĝi havis 3697 loĝantojn je la 31-a de decembro 2007. La urbeto estas aparte vizitinda pro siaj multnombraj faktrabdomoj el la mezepoko.
Geografio
Elgg situas en la supera valo de la rivero Eulach en la Zurika Vinlando. Sur la teritorio de Elgg situas la Guemülilageto, kiu estas beleta biotopo.
Najbaraj komunumoj
La komunumo Elgg limas en nordo al Bertschikon, en nordoriento al Hagenbuch, en oriento al Aadorf (TG), en sudo kaj okcidento al Hofstetten ĉe Elgg, kaj en nordokcidento al Elsau.
Trafiko
Elgg havas stacidomon ĉe la trajnlinio de la Svisaj Federaciaj Fervojoj de Vinterturo al Sankt-Galo. Per la regiona trajnlinio S35 de la Zurika Trafik-Unio, kiun servas la privata fervojkompanio THURBO, la komunumo estas labortage en duonhora kaj semajnfine kaj festotage en hora kadenco konektita kun Vinterturo. La veturdaŭro estas 15 minutoj. Ankaŭ poŝtaŭtobuso servas la urbeton. Ankaŭ aŭtomobile per la nacia aŭtoŝoseo A1 Elgg estas bone atingebla.
Historio
La unua dokumenta mencio de Elgg datiĝas el la jaro 760 kiel Ailaghoga. En la 13-a jarcento Elgg fariĝis posedaĵo de la Habsburgoj, kiuj koncesiis al la komunumo en la jaro 1370 la merkatrajton kaj en la jaro 1371 la urborajton. Per la transiro de la Grafejo Kiburgo al la urbo Zuriko meze de la 15-a jarcento ankaŭ la komunumo Elgg fariĝis zurika.
Oni rakontas ke en la setlejo Heiligaŭ, kiu apartenas al Elgg, naskiĝis en la jaro 840 la fama verkisto kaj monaĥo Notker Balbulus, laŭ aliaj fontoj ties naskiĝoloko tamen estis Jonschwil en Kantono Sankt-Galo.
Vidu ankaŭ
Eksteraj ligiloj
Bildoj
-
Stacidomo de Elgg -
Faktrabdomo en Elgg -
Komunuma domo -
Katolika preĝejo
| ||||||
