Eksterordinara Ekstermiga Agado
Eksterordinara Ekstermiga Agado (germane Ausserordentliche Befriedungsaktion – AB; mallonge Agado AB) - farita de germanaj okupantoj sur teritorio de Ĝenerala Gubernio en Pollando inter majo kaj julio 1940.
Ĝi estis genocida laŭ sia karaktero kaj sekvis t.n. Intelektul-kampanjon, gvidatan sur okupataj polaj teritorioj de septembro 1939. Kadre de la Agado AB funkciuloj de SS kaj germana polico murdis ne malpli ol 6500 polojn – en tio ĉirkaŭ 3500 reprezentantojn de polaj intelektuloj kune kun politikistoj kaj ĉirkaŭ 3000 krimulojn. La plej konata krimo farita de germanoj kadre de la Eksterordinara Ekstermiga Agado estis amasaj ekzekutoj en Palmiry.
El kroniko de sangaj reprezalioj
- 1940: de la 28-a de junio ĝis la 13-a de aŭgusto en vilaĝoj Apolonka kaj Olsztyn (apud Częstochowa) germanoj pafmortigis en 3 ekzekutoj 91 intelektulojn de Częstochowa kaj Radomsko
Respondeco de kaŭzintoj
Inter la plej altrangaj respondeculoj pri la krimoj faritaj dum la Agado AB estas ĝenerala guberniestro Hans Frank, SS-Obergruppenführer Friedrich Wilhelm Krüger kaj SS-Brigadeführer Bruno Streckenbach. Inter multaj aliaj militkrimuloj ankaŭ Arthur Seyss-Inquart.
Vidu ankaŭ
- Kontraŭpolismo
- Unua amasa transporto al koncentrejo Aŭŝvico
- Operaco Tannenberg
- Generalplan Ost
- Intelligenzaktion
- Masakro de Katin
- Masakro de Lvovaj Profesoroj
- Masakro de Piaśnica
- Konferencoj de Gestapo-NKVD
Bibliografio
- Władysław Bartoszewski, Warszawski pierścień śmierci 1939-1944 (Varsovia morto-ringo). Warszawa: Interpress 1970.
- Alina Gałan. „Akcja AB” na Lubelszczyźnie ("Agado AB" en Lublin-regiono). „Biuletyn IPN”. 12-1 (35-36), grudzień-styczeń 2003-2004.
- Jerzy Łojek, Agresja 17 września 1939 (Agreso de la 17-a de septembro 1939). Instytut wydawniczy PAX, Warszawa 1990. ISBN 83-211-1410-5.
- Dieter Schenk, Hans Frank. Biografia generalnego gubernatora (Hans Frank. Biografio de ĝenerala guberniestro). Kraków, Wydawnictwo Znak 2009. ISBN 978-83-240-1227-5.
- Rafał Sierchuła, Wojciech Muszyński. Katyń i Palmiry 1940 (Katin kaj Palmiry 1940) (Speciala aldono de IPN). „Niezależna Gazeta Polska”, 4 kwietnia 2008. Warszawa.
- Maria Wardzyńska, Był rok 1939. Operacja niemieckiej policji bezpieczeństwa w Polsce. Intelligenzaktion (Estis la jaro 1939. Operaco de germana sekurec-polico en Pollando. Intelligenzaktion), Instytut Pamięci Narodowej, Warszawa 2009. ISBN 978-83-7629-063-8.
Eksteraj ligiloj
- Kolekcja świadectw dotyczących eksterminacji polskiej inteligencji w bazie świadectw „Zapisy Terroru” Kolekto de atestoj pri ekstermado de polaj intelektuloj en la bazo "Kronikoj de Teroro"