Susanna Kubelka

Susanna Kubelka (2015)

Susanna KUBELKA (naskiĝinta en septembro 1942 en Linz, mortinta la 5-an aŭ 6-an de majo 2024 en Vieno) estis aŭstra verkistino. De 1981 ŝi vivis ĉefe en Parizo.

Vivo

Post trapaso de la abiturienta ekzameno laboris ŝi kiel bazlerneja instruistino, antaŭ ol studi anglistikon. Doktoriĝo venis en 1977 post defendo de tezo pri la prezentado de virinoj en la anglaj romanoj de la 18-a jarcento.. Longaj restadoj en Franclando kaj Aŭstralio antaŭis ŝian deĵoradon kiel redaktorino ĉe la viena taggazeto Die Presse. Mallonge estis ŝi geedziĝanta (kun anglo) vivante kvar jarojn en Londono.

Kubelka estis ĝisosta vegetarano (almenaŭ de 1984). Mondskale furoris ŝia unua libro, faklibro pri la pliaĝiĝo de oni, Endlich über vierzig (1980). Ankaŭ kuraĝigaj, inteligentaj kaj vivojesantaj romanoj (kiuj ofte intrigludis en la pariza elmigrantaro) menciindas: inter ili tre konatas Ophelia lernt schwimmen kaj Das gesprengte Mieder. Modelojn por optimisma sinteno si trovis ankaŭ en si familio: ŝia avino nuptis en la aĝo de 76 jarojn viron aĝantan malpli ol 30 jaroj; ŝia patrino ekigis verkadon en la aĝo de 80 jaroj publikigonte infanan literaturon kun 85 jaroj.

Verkojn ŝiajn oni tradukis en 29 lingvojn. Ŝia deka romanmanuskripto jam ne finiĝeblis. En Germanlingvio zorgas pri provizado per ŝiaj libroj la eldonejo Lübbe el Mühlheim (Kolonjo).

Ŝi estis la fratino de la eksperimenta filmfaristo Peter Kubelka.

Verkoj

• Endlich über vierzig. Der reifen Frau gehört die Welt (1980)
• Ich fange noch mal an. Glück und Erfolg in der zweiten Karriere (1981)
• Burg vorhanden, Prinz gesucht. Ein heiterer Roman (1983)
• Ophelia lernt schwimmen. Der Roman einer jungen Frau über vierzig (1987)
• Mein Wien (1990)
• Madame kommt heute später (1993)
• Das gesprengte Mieder (2000)
• Der zweite Frühling der Mimi Tulipan (2005)
• Adieu Wien, Bonjour Paris (2012)

Eksteraj ligiloj

• Informoj pri Susanna Kubelka en katalogo de la Germana Nacia Biblioteko (germane)
• informoj ĉe IMDb