Muniesa

Muniesa
municipality of Aragon (en) vd
Flago	Blazono
Administrado
Poŝtkodo	44780
En TTT	Oficiala retejo [+]
Demografio
Loĝantaro	571  (2023) [+]
Loĝdenso	4 loĝ./km²
Geografio
Geografia situo	41° 2′ N, 0° 49′ U (mapo)41.0315677-0.8099565 [+]
Alto	782 m [+]
Areo	129,796561 km² (1 297 9.6 561 ha) [+]
Horzono	UTC+01:00 [+]
Muniesa (Provinco Teruelo) DEC Situo de Muniesa
Muniesa (Hispanio) DEC Situo de Muniesa
Alia projekto
Vikimedia Komunejo Muniesa [+]

Muniesa [muNJEsa] estas vilaĝo kaj municipo de la provinco Teruelo (nordorienta Hispanio), nome en la nordo de la norda komarko Minbasenoj, kies komarka ĉefurbo estas Utrillas. La lokonomo Muniesa devenas de la araba منية أيضًا, MUNJA​ ‘IṢA′, la kampardomo de Jesús (?). Simila loknomo en apuda provinco Zaragozo estas La Almunia de Doña Godina.

Geografio

Ĝi estas je 99 km de Teruelo, provinca ĉefurbo, je 85 km de Zaragozo, regiona ĉefurbo, inter Leceda (norde) kaj Cortes de Aragón (sude) laŭ la ŝoseo A-222 kaj inter Blesa (okcidente) kaj Alacón (oriente). Ĝi estas en la nordo de la Iberia Sistemo. La loĝloko estas je 782 msm.

Historio

Mudeĥara turo.

Vidaĵo de Muniesa.

Estis restaĵoj de eneolitiko kaj de romianoj. La loknomo evidentigas setladon en epoko de Al-Andalus.

La zono venis al posedo de kristanoj post la venko de Alfonso la 1-a la Batalema. En 1328, Alfonso la 4-a vendis Huesa kaj ĝiajn domarojn, inter kiuj Minuesa, al Pedro de Luna, farante parton de la komunumaro Sesma de la Honor de Huesa ene de la komunumaro Domaroj de Daroca, kiu pluis ĝis 1838.

Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Muniesa kie oni malaltiĝis el 2000 loĝantoj en 1950 ĝis nunaj 571 loĝantoj; lastatempe pliiĝis la loĝantaro per alveno de magrebaj almigrantoj (15% de la loĝantaro).

Gravuloj

• Miguel de Molinos

Aktualo

Bazo de ekonomio estas agrikulturo (cerealoj, vitejoj, legomoj, olivarboj), forstado kaj brutobredado (ŝafoj kaj porkoj). Nune rura turismo. Estis fabriko de ludiloj, kiu fermiĝis komence de la 1990-aj jaroj.

Estas altiraĵoj en la urbo, nome la trinava preĝejo apud svelta kaj bela oklatera mudeĥara turo de la 16-a jarcento, ermitejoj, domegoj, kaj piedirado tra proksimaj naturaj lokoj ktp.

Vidu ankaŭ

• Municipoj de la provinco Teruelo