IJK 2011
IJK 2011 | ||
---|---|---|
Loko | Kievo, ![]() | |
Ekde | 14-a de julio 2011 | |
Ĝis | 21-a de julio 2011 | |
Organizanto | Ukraina Ligo de Esperantista Junularo, Ukrainia Esperanto-Asocio | |
Oficiala retejo | www | |
← Antaŭa | Sekva → | |
![](http://upload.wikimedia.org/wikipedia/commons/thumb/3/32/NE_forgesu.jpg/400px-NE_forgesu.jpg)
La 67-a Internacia Junulara Kongreso (IJK) de TEJO okazis ekde la 14-a ĝis la 21-a de julio 2011 en Kievo, la ĉefurbo de Ukrainio. Partoprenis ĝin 311 esperantistoj el 34 landoj.[1] La aranĝon organizis TEJO, UkrEA kaj ULEJ. Ĝia temo estis "Daŭropova evoluo - nova koncepto por homaro". Temis pri la unua IJK sur la tereno de Ukrainio[2]. Du tagojn post ĝi komenciĝis en Kopenhago la 96-a Universala Kongreso.
Ĝeneralaj informoj
Kongresejo
Anonco pri la okazigo de IJK en Ukrainio aperis je la 11-a de marto 2010[3] Origine estis kiel kongresejo planita sportejo de la Kieva Politeknika Universitato, kiu situas apud la Kieva rezervujo en la vilaĝo Hlibivka, 30 kilometrojn norde de Kievo.[4] Poste oni decidis movi la kongresejon en la urbon Kievo mem, al la turista bazejo Juna turisto[5] en strato Zabolotnoho 144 (50° 21.372′ N 30° 28.413′ O / 50.356200 °N, 30.473550 °O (mapo)Koordinatoj: 50° 21.372′ N 30° 28.413′ O / 50.356200 °N, 30.473550 °O (mapo)).
Partoprenkondiĉoj
Loĝi eblis en kvarlita kaj kvinlitaj ĉambroj kun litaĵoj aŭ sen, unu el la amasloĝejoj, en tendo (troviĝantaj inter la kongresejo kaj la apuda konstruaĵo de lernejo) aŭ memzorge ekster la IJK-ejoj. Manĝi eblis en la proksima restoracio Budjmo Arkivigite je 2011-07-13 per la retarkivo Wayback Machine, kunviande aŭ vegetarane (aŭ memzorgi).
Organiza teamo
En la Loka Kongresa Komitato membris jenaj homoj:[6]
- Mikaelo Lineckij - programo, financoj
- Vadim Kasjan - administrado
- Eŭgenija Slovaĉevskaja - kunordigado
- Svitlana Kozarenko - informado
- Andreo Jankovskij - kontaktoj kun TEJO
- Roma Kozarenko - ekskursoj, sporta programo
- Oksana Palyvoda kaj Alexandre Raymond - vespera programo
- Oksana Mirhorodska - ukraina tago
- Łukasz Żebrowski - kunordigado
Du semajnojn antaŭ la kongreso, la ĉeforganizanto Mikaelo Lineckij estis trafita per koratako kaj enhospitaligita, pro kio li ne povis partopreni la kongreson. La ĉeforganizadon lastmomente transprenis jena teamo:
- Eŭgenija Slovaĉevskaja - kunordigado kaj financoj
- Andreo Jankovskij - administrado kaj akceptejo
- Svitlana Kozarenko - taga programo
- Roma Kozarenko - ekskursoj, sporta programo
- Oksana Palyvoda kaj Alexandre Raymond - vespera programo
- Oksana Mirhorodska - koncertoj, ukraina tago.
La lokan teamon ĉiaspece asistis Sergeo Tyrin, estrarano de TEJO.
Patronoj
La aranĝon aŭspiciis:[7]
- Lidia Gorbunova - vicministro de justico.
- Timofij Koĥan - vicministro de Kulturo de Ukrainio
Programo
Movada programo
TEJO-komitatkunsido
La 16-an de julio 2011 estis elektita nova estraro de TEJO en jena konsisto[8]:
- Łukasz Żebrowski
- Prezidanto
- Paulína Kožuchová
- Ĝenerala Sekretario
- Alisa Nikitina
- Kasistino
- Sergeo Tyrin
- Informado
- Nico Huurman
- Aktivula trejnado
- Petra Smidéliusz
- Landa agado
- Michael Boris Mandirola
- Eksteraj rilatoj
- Tina Tišljar
- Kongresoj
Taga programo
![](http://upload.wikimedia.org/wikipedia/commons/thumb/9/95/Feofania_01_dgri.jpg/250px-Feofania_01_dgri.jpg)
Ĉiu tago komenciĝis per diversnivelaj kursoj de Esperanto, la ukraina lingvo kaj aliaj lingvoj. Dum la tago okazis multe da prelegoj. La 17-an de julio okazis ekskursoj tra la urbo, en malgrandaj grupoj ĉiu gvidita de alia lokano. La 18-an de julio okazis Lingva Festivalo dum kiu samtempe estis prezentataj diversaj lingvoj kaj lingvaj regionoj. La 19-an de julio estis sporta tago (inter konkursoj ne mankis futbala matĉo "Esperantio kontraŭ resto de la mondo" aŭ konkuro en naĝado; parto de la programo okazis en la parko Feofania).
Vespera programo
Vendrede, la 14-an de julio okazis koncerto de Gunnar Fischer kaj Ĵomart kaj Nataŝa.
Dimanĉe, la 17-an de julio okazis koncerto de Ĵomart kaj Nataŝa kaj Paŭlo Moĵajev.
Marde, la 19-an de julio okazis koncerto de La Pafklik kaj JoMo.
Nokta programo
Nokta programo, kiu sekvis la vesperan programon kaj daŭris ofte ĝis la matenaj horoj de la sekva tago, proponis elekton inter la sekvaj eroj:
- trinkejo, kie sub gvido de Martin Sawitzki, helpata de Miroslav Hruška kaj Karol Rydlo, eblis trinki ukrainajn bierojn aŭ senalkoholajn trinkaĵojn (ia. kvason), aŭ aĉeti ukrainan ĉokoladon Baton.
- gufujo
- diskejo - gvidis Aleksej Svertoka
Rezultoj
Eĥoj de partoprenantoj
Aperis krom multaj fotoj ankaŭ raportoj, interalie raporto de Chuck Smith kaj reago de Carolin Weemeyer en Libera Folio, kaj raporto[rompita ligilo] de Daniel Mrázek por TEJO Tutmonde.
Amaskomunikilaj aperoj
La 14-an de julio 2011 la oficialan inaŭguron de la kongreso antaŭis renkontiĝo kun ĵurnalistoj. TEJO-n reprezentis Sergeo Tyrin, ULEJ-reprezentanto estis Svitlana Kozarenko, la projekton Ĉirkaŭmonda karavano Interkulturo [1] Arkivigite je 2011-09-13 per la retarkivo Wayback Machine prezentis Volodimir Soroka. Vespere aperis en ukraina televido STB raporto, kiu estas trovebla rete[rompita ligilo]. La 19-an de julio 2011 okazis viva elsendo aranĝita de Daniel Mrázek en la Ĉeĥa radio, elŝutebla rete[rompita ligilo] (la raporto pri IJK komenciĝas je tempo 7:23, finiĝas je tempo 19:32).
En interreto
Dum la kongreso eblis spekti interretajn elsendojn kaj post ĝi eblas spekti registraĵojn realigatajn de Japana Esperanto-Junularo ĉe USTREAM Arkivigite je 2011-07-19 per la retarkivo Wayback Machine. Pepaĵojn en Twitter eblas serĉi per la haket-etikedo #IJK2011 ĉi tie.
Referencoj
- ↑ Landoj - IJK-2011[rompita ligilo] (stato je 2011-08-12)
- ↑ IJK 2011 en Ukrainio! - oficiala anonco en la retpaĝaro de TEJO. Arkivita el la originalo je 2013-05-15. Alirita 2018-06-19.
- ↑ Arkivita kopio. Arkivita el la originalo je 2016-03-04. Alirita 2011-07-29.
- ↑ IJK 2011 en Ukrainio - Libera Folio
- ↑ Arkivita kopio. Arkivita el la originalo je 2011-06-12. Alirita 2011-07-16.
- ↑ Arkivita kopio. Arkivita el la originalo je 2011-06-12. Alirita 2011-07-16.
- ↑ Arkivita kopio. Arkivita el la originalo je 2011-06-12. Alirita 2011-07-16.
- ↑ Arkivita kopio. Arkivita el la originalo je 2013-05-15. Alirita 2018-06-19.
Eksteraj ligiloj
- Retpaĝaro de la 67-a IJK Arkivigite je 2011-07-21 per la retarkivo Wayback Machine
- Oficiala emblemo de IJK en Ukrainio Arkivigite je 2014-09-08 per la retarkivo Wayback Machine
|