Ardea (genro)

Kiel legi la taksonomion Ardeoj
Makula ardeo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Pelikanoformaj Pelecaniformes Familio: Ardeedoj Ardeidae Subfamilio: Ardeenoj Genro: Ardea
Aliaj Vikimediaj projektoj

Orienta egretardeo, Ardea modesta

Purple and Grey Herons (Ardea purpurea & cinerea)

Ardea cinerea - Karlsruhe Zoo 01

Ardea estas genro de ardeoj. Linnaeus nomigis tiun genron kiel Grandaj ardeoj, alude al la ĝenerale grando de tiuj birdoj, tipe 80–100 cm aŭ plie longaj.

Tiuj grandaj ardeoj asociiĝas kun humidejoj kie ili predas fiŝojn, ranojn, kaj aliajn akvajn speciojn.

Plej membroj de tiu preskaŭ tutmonda grupo reproduktiĝas kolonie en arboj, kie ili konstruas grandajn nestojn el bastonetoj. Nordaj specioj kiaj la Blucindra, la Griza kaj la Purpura ardeoj povas migri suden vintre, kvankam la unuaj du nur el areoj kie akvo frostas.

Tiuj estas povegaj birdoj kun grandaj harpunecaj bekoj, longaj koloj kaj longaj kruroj, kiuj ĉasas per atendo senmova aŭ gvatado de predo en neprofundaj akvoj antaŭ kapti ĝin per subita harpunlanĉo. Ili havas malrapidan lantan flugmanieron, havante kolon kuntirita nome karaktero de ardeoj kaj botaŭroj; tio distingas ilin el cikonioj, gruoj, kaj plataleoj, kiuj dumfluge etendas siajn kolojn.

Taksonomio

Kelkaj membroj de Ardea estas klare tre proksime rilataj, kiaj la Griza, la Blucindra, kaj la Kokoia ardeoj, kiuj formas superspecion. Tamen, la Blanka ardeo, precize, estis lokita en aliaj genroj de kelkaj fakuloj kiel Egretta alba aŭ Casmerodius alba. Tamen tiu specio tre proksime similas al la grandaj ardeoj de Ardea en ĉio escepte en koloro, dum ĝi montras pli malmultajn similaĵojn kun la pli malgrandaj blankaj egretoj.

Specioj

• Genro Ardea — tipaj ardeoj (11-17 specioj)
  • Blucindra ardeo, Ardea herodias
  • Griza ardeo, Ardea cinerea
  • Goliata ardeo aŭ Giganta ardeo, Ardea goliath
  • Kokoia ardeo, Ardea cocoi
  • Pacifika ardeo, Ardea pacifica
  • Nigrakapa ardeo, Ardea melanocephala
  • Madagaskara ardeo, Ardea humbloti
  • Blankventra ardeo, Ardea insignis
  • Sumatra ardeo, Ardea sumatrana
  • Purpura ardeo, Ardea purpurea
  • Blanka ardeo aŭ Blanka egretardeo, Ardea alba
    • Orienta egretardeo, Ardea alba modesta, konsiderata subspecio de Ardea alba
  • Makula ardeo, Ardea picata

Nombraj specioj de Ardea estas konataj nur el subfosiliaj aŭ fosiliaj ostoj. Ties lokigo en Ardea kontraŭ Egretta povas esti provizora:

• Bennua ardeo, Ardea bennuides (prahistoria)
• Ardea sp. (Meza Mioceno de Observation Quarry, Usono) (fosilio)
• Ardea sp. (Fina Mioceno de Love Bone Bed, Usono) (fosilio)
• Ardea polkensis (Komenca Plioceno de Bone Valley, Usono) (fosilio)
• Ardea sp. (Komenca Pleistoceno de Macasphalt Shell Pit, Usono) (fosilio)
• Ardea formosa (fosilio)
• Ardea howardae (fosilio)
• Ardea similis (fosilio)

La restoj priskribitaj kiel Ardea perplexa estas nune kutime konsiderataj kiel de ibiso de la genro Geronticus aŭ tre proksime rilata.